Марк 5:13 - Гирами Китаб

¹³ Дугъу ихтияр тувру. Ва адмийиан удучӀву чиркин рюгьяр силариъ учӀвру. Хъа силарин лиж гъарзарилансина гьюлизди убсру ва ккабхьру. Дурарин кьадар кьюд агъзурихьна вуйи.

Марк 5:13 Referans Kwoze

Ачмиш 20:7

Агъзур йис гъубшиган, иблис дустагъдиан деебтиди,

Ачмиш 9:11

Дурарин паччагь кӀан ккадрушван малайик ву; думу паччагьдиз жугьуд чӀалниинди Аббадан, хъа грек чӀалниинди Аполлион кӀуру.

Петрин-1 3:22

Завариина за духьну, Думу гьамус Аллагьдин арччул хилихъинди хъа. Дугъаз вари малайикар, гьюкмар ва кьудратар мютӀюгъ гъахьну.

Югьан 8:44

Ичв адаш иблис ву, ва учву ичв адашдин интӀи тӀулар тамам апӀуз шад вучва. Хъа думу гьарган адмийир пуч апӀрур ву, ва дугъаз гьякьвал душман ву, гьаз гъапиш дугъаъ гьякьвал адар. Дугъу кучӀал апӀурайиган, кучӀал дугъан багъри чӀал ву, гьаз гъапиш думу кучӀлях ву ва кучӀларин адаш ву.

Матта 8:32

– Гъарахай, – гъапи Исайи. Дурарра, адмийириан удучӀвну, силариъ учӀвру. Гьадмусяаьт вари силар гъарзлансина гьюлизди урсру, ва вари штукк ккахьну йихуру.

Паччагьлугъар-3 22:22

«Фици?» – гьерхнийи РАББИЙИ. «Узу гъябгъидиза ва дугъан вари пайгъамбрарин мелзниин кучӀлин жин хьибдиза», – гъапнийи диди. «Ав, увхьан думу ляхин хъуркьувалиинди кӀулиз адабгъуз ва думу алдатмиш апӀуз хьибдивухьан, – гъапнийи РАББИЙИ. – Гъарабх ва гьаци апӀин».

Матта 7:6

ФукӀа гирамиб хуйириз миккипан, даршиш дурар, илдицну увʼин алархьиди. Яв гавагьирар силарин улихьинди магатӀахьан, даршиш силари дурар ликариккан апӀиди.

Марк 5:12

– Учхьан силариъ учӀвуз шлуси, учу гьадраризди гъягъюз гъит, – кӀури, жинари Исайикан тӀалаб апӀуру.

Марк 5:14

Силарин габнари, жаргъну душну, шагьриъ ва гъирагъариъ айи гъулариъ, гъабхьибдикан ктибтуру. Агьлар, фу гъабхьнуш, лигуз гъюру.