Марк 4:8 - Гирами Китаб

⁸ Хъа жара удрар авадан ругдик кахьру, ктучӀвуру, аьхю шулу ва сумчӀур, йирхьцӀур ва варж ражари артухъ бегьер тувру.

Марк 4:8 Referans Kwoze

Югьан 15:5

Узу – шир, хъа учву – кюлер. Анжагъ гьадмунури, Узу чаъ айиганси, фуж Узуъ аш, бегьем бегьер хури шулу. Узу хътарш, учвхьан фукӀа апӀуз шулдар.

Колосс 1:6

Ужувлан хабар учвухьна гъафну. Учву, гьякьвали абцӀнайи Аллагьдин ужʼвал деебхьну, гъавриъ ахъунчву. Думу йигъхъанмина Ужувлан хабар, ичв арайиъси, вари дюнʼяйиъ рабгъура ва диди чан бегьер хура.

Марк 4:20

Хъа гьацӀар авадан ругдик кахьу удрариз барабар ву. Мурар гаф ебхьрудар ва думу кьабул апӀрудар ву, ва диди саспиган сумчӀур ражари, саспиган йирхьцӀур ражари, хъа саспиган варж ражари артухъ бегьер хури шулу.

Эвел 26:12

Гьадму гьюкуматдиз удучӀвну гъафи Исакьди рузи убзуз хъюгънийи. РАББИЙИ думу ужувлакк ккаънийи ва думу йисан Исакьди варж ражари артухъ ризкь ккадабцӀнийи.

Ляхнар 17:11

Мушван адмийир ФессалоникайиндартӀан фикирлудар вуйи: дурари Агъайин Гаф лап аьшкьниинди кьабул гъапӀнийи. Павелина Силайи кӀурайиб гьякь вуш аьгъю апӀбан бадали, гьар йигъан БикӀбар ахтармиш апӀури гъахьнийи.

Матта 13:8

Хъа садар удрар авадан ругдик кахьру, дурари бегьер хуру: фундари – варж, фундари – йирхьцӀур, хъа фундари – сумчӀур ражари артухъ.

Филипп 1:11

учвхьан Аллагьдин ад ва тяриф апӀуз шлуси, Иса Месигьдин кюмекниинди гьякьʼвалин бегьер хуз хьибдичвухьан.

Югьан 7:17

Шлиз Дугъан ният тамам апӀуз ккундуш, гьацириз гьаму аьгъюваларикан аьгъю хьибди, дурар Аллагьдихьан вуш, даршиш Узу Йиз Узкан кӀурайидар вуш.

Лука 8:15

Хъа авадан ругдиина ахьдар – мурар, Аллагьдин гаф гъеебхьиган, му чпин марцци кӀваъ уьбхрудар ва сабур апӀбиинди бегьер туврудар ву.

Лука 8:8

Хъа сакьюдар авадан ругдик кахьру, ктучӀвиган дурари варжбан артухъ бегьер тувру. Гьамци дупну, Исайи гужал дихниинди гъапи: – Шлин ибариз ебхьураш, гъит ебхьри!

Матта 13:23

Авадан ругдик кахьу удрари, Аллагьдин гаф деебхьну, дидин гъавриъ ахъру кас улупура. Ари гьадму варж, йирхьцӀур, вая сумчӀур ражари артухъ бегьер туврайи удрариз ухшар ву.

Марк 4:7

ГьацӀар удрар зазарин тумрягъ гъяхьру, аьхю гъахьи зазари дурар ккаъру, ва дяхни кӀул апӀдар.

Марк 4:9

Хъасин Исайи гъапи: – Шлин ибариз ебхьураш, гъит ебхьри!

Эфес 2:21

Дидʼин ягъал-ягъал шулайи ва Агъайиз бахш вуйи, гирами дараматдиз илтӀибкӀурайи мюгькам хал дийибгъна.