Марк 4:24 - Гирами Китаб

²⁴ Хъа Дугъу гьамцира кӀуру: – Учвуз ебхьурайибдиз фикир тувай. Фициб уьлчмейиинди учву ебцураш, гьацибдиинди учвузра ебциди ва артухъдира кади иливиди.

Марк 4:24 Referans Kwoze

Жугьдариз 2:1

Магьа гьаддиз, дюз рякъʼан ададахъбан бадали, ухьуз гъеебхьубдиз варитӀан уччвуйи фикир тувну ккунду.

Лука 8:18

Гьаци вуйиган, учву Узухъ дикъатниинди хъебехъай: шлиз аш, дугъаз хъана тувди; хъа шлиз адарш, айибдихьна хьибдизуз кӀурубра тадабгъиди.

Матта 7:2

фицики учву жарадарин фициб суд гъапӀиш, ичвра гьациб суд апӀиди. Жарадарин тахсрар учву фициб уьлчмейиинди ерцураш, ичв тахсрарра гьациб уьлчмейиинди ерциди.

Ляхнар 17:11

Мушван адмийир ФессалоникайиндартӀан фикирлудар вуйи: дурари Агъайин Гаф лап аьшкьниинди кьабул гъапӀнийи. Павелина Силайи кӀурайиб гьякь вуш аьгъю апӀбан бадали, гьар йигъан БикӀбар ахтармиш апӀури гъахьнийи.

Коринф-2 9:6

КӀваинди гъибтай: кьискьисди убзрури, гьаци ккадабцӀидира ву, булди убзрури булди ккадабцӀиди.

Югьан 10:27

Йиз марччариз Йиз дих ебхьуру ва Узуз дурар аьгъязуз, дурар Узухъди гъюру.

Насигьятар 19:27

Жан бай, насигьятарихъ хъпехъури даршиш, увуз аьгъюбра гьархдивуз кӀваълан.

Югьан 5:25

Гьякьлу вуйи гьякь кӀуразачвуз: вахт улубкьура – сану улубкьнура ву! – дийихнайидариз Аллагьдин Балин дих ебхьиди, ва гъеебхьдар гьаргандин уьмрихьна чӀиви хьиди.

Марк 9:7

Гьадмуган диф арайиз гъюру ва диди дурар чан сирникк ккаъру, хъа дифрагъян сес шулу: «Му Йиз масан Бай вуйиз. Гьамгъахъ хъебехъай!»

Югьан 10:16

Узуз жара марччарра азуз, гьаму марччаринишвʼан дарудар. Узу гьадрара хъади дуфну ккунду, Йиз дихнахъ дурар хъпехъиди, гьадмуган саб лиж хьибди ва сар Габан хьиди!

Югьандин-1 4:1

Йиз ккунидар, фунуб рюгьнахъ вушра, яна адмийихъ мехъебехъанай. Хъа дурар Аллагьдихьан вуйин – дарин, гьарган ахтармиш апӀури йихьай, фицики дюнʼяйиз бегьем кучӀлин пайгъамбрар ачмиш духьна.

Петрин-1 2:2

Тазади бабкан духьну имбу бицӀидарси, рюгьнан тӀяаьмлу никкдихъ, гьаддин кюмекниинди аьхю хьуз ва уьрхювал гъазанмиш апӀуз, тямягь хъивай.