Марк 4:19 - Гирами Китаб

¹⁹ хъа гьар йигъандин гъайгъушнари, девлетнахъ хъергували ва жара тямягьари Аллагьдин гаф кӀваълан гьапӀуз гъитру, ва диди бегьер хури шулдар.

Марк 4:19 Referans Kwoze

Тимофейиз-1 6:17

Гьаму дюнʼяйиин девлетлу вуйидариз йип: фурсар дарапӀри ва чпин девлетарихъ йирфар хътричри – думу мюгькам вуйиб дар. Уьмрикан кьукь ктабгъури яшамиш хьуз вари лазим вуйиб артухъра кади тувру Аллагьдихъ йирфар хъирчиш, хъа ужу ву.

Филипп 4:6

Гьич сабдинна гъайгъушнаъ махьанай. Аммаки фицдар гьялариъ ашра, ккарагай, ккуниб ккун апӀури, илтӀикӀай, ясана, чухсагъул кӀури, илтӀикӀай, гъит ичв тӀалабар Аллагьдиз аьгъю ишри.

Матта 19:23

Исайи мушвʼин Чан ученикариз гъапи: – Дюзди кӀуразачвузки, девлетлуйиз Аьршарин Паччагьлугъдиъ учӀвуз читинди алабхъиди.

Югьан 15:2

Узʼин али бегьер дархру гьарсаб кюл Дугъу ктабтӀуру, хъа бегьер хруб, диди хъанара артухъди бегьер хпан бадали, марцц апӀуру.

Лука 21:34

Учвʼин гьадму йигъ хабарсузди улулубкьбан бадали, убхъбиинди, ичкивалиинди ва яшайишдин гъайгъушнариинди ичв юкӀвар тямягьвалиъ адрахьбаз ихтият йихьай,

Лука 10:41

Исайи дугъаз жаваб вуди гъапи: – Гьей Марфа, Марфа! Уву гизаф ляхнарин гъайгъушнаъ ади гъяжяргъюрава.

Петрин-2 1:8

Эгер учвуъ гьамцдар хасиятар аш ва учву дурар зарб апӀуруш, ихь Агъа Иса Месигьдикан вуйи ичв аьгъювалар дурари мянфяаьтсузди ва бегьерсузди гъитдар.

Тимофейиз-2 4:10

Фицики Демас узухъди гъузундар. Думу, чан юкӀв гьаму дюнʼяйиз тувну, Фессалоникдиз гъушну. Креск Галатияйиз гъушну, Тит – Далматияйиз.

Ягьудайин 1:12

Ичв масанвалин шадлугъариъ му касар ккеънайи сулариз барабар ву. Дурар гьич саб гучӀ адарди, суфрайихъ, чпин гъайгъушнаътӀан адарди, деъру. Мурар микӀари гьирчнайи мархь ктру дифарси ву. Чвну, бегьер дархури, ерццру, хъа кьабарианзина кчӀюгъру, кьюб ражари пуч шлу гьарарси ву.

Матта 3:10

Гьарин кьаблихъ магьа екӀв гьязурди хъа: гъяни йимиш туври адру гьарсаб гьар алдабтӀиди ва цӀигъна гатӀабхьиди.

Насигьятар 23:5

чав рябкъяйиз, думу гъубшну: люкьран хлинццар диди чак кивну, завариз думу гъитӀибху.

Насигьятар 23:4

Девлет гъазанмиш апӀурза кӀури яманди бизар махьан, аьгъю йибхь фила дийигъуруш;

Матта 13:22

Зазар-варжйиригъ дахьу удрари Аллагьдин гаф деебхьну, гьар йигъандин гъайгъушнари ва девлетназ вуйи нефсну ккагънайи кас улупура. Мицир касдиъ гафну бегьер тувдар.

Марк 4:18

ГьацӀар зазаригъ гъяхьу удрариз барабар ву. Мурар гаф ебхьрудар ву,

Рим агьларихьна вуйи кагъаз 12:2

Гъит, му дюнʼяйин гьюкмари учвʼин агъавал дарапӀри. Аллагьдин ужуб, рази ктаъру ва гьубкӀу ният фу вуш, аьгъю хьпан бадали, ичв фагьум цӀийи алапӀури, дигиш йихьай.

Эфес 2:2

ва, гьаму дюнʼяйиъ фици апӀури гъахьнуш, учвура Аллагьдиз къаршуди удучӀвнайидариъ айи рюгьнан гьавайиъ айи чӀуру кьувватарин аьхюрин хиликкди гьаци апӀуйчва.

Эфес 6:12

Фицики ухьу дяви йиккканна ифдикан вуйи адмийирихъди гъабхурадархьа, хъа аьхюдарихъдина гьюкумдрарихъди, гьаму мучӀушнан дюнʼя хилиъ дибиснайидарихъди ва завариъ писвалин рюгьярихъди гъабхурахьа.