33 Исайи дурариз жаваб туву: – Йиз дадана чвйир фужар ву? –
Му харатчи уста, Марʼямдин Бай, Якьубдин, Юсуфдин, Ягьудайин ва Симондин чве дарин? Мугъан чйир гьамшваъ, ихь арайиъ, адаринхъа? Гьаци вуйиган, дурариз Исайихъ хъугъуз ккунди адайи.
Дугъан багахьлуйириз мидкан гъеебхьган, дурар дуфну, Иса гужназ мушвʼан хъади гъягъюз ккун шулу, фицики дурари, Думу абдал духьна, кӀуйи.
Гьаци вуйиган, сарун учу адмийин фагьмиинди саризра лигури имдарча. Мугагьназ Месигьдиз гьаци лигуйча, сарун – ваъ.
– Уву гьаз кӀурава Узуз дици? – жаваб тувру дугъаз Исайи. – Йиз вахт мегьел улубкьнадар.
Исайи дурариз гъапи: – Узу гьаз агури гъахьунчва? Мегер учвуз узу йиз Адашдин ужагъдиъ духьну ккуниб аьгъданчвуз?
Дугълан халкь илтӀибшнайи, ва Дугъаз гъапнийи: – ЧӀат, кючейиъ Яв дада, чвйир ва чйир дугъужвна, Уву гьерхра.
Чалан илтӀишнайидарилан ул илбицну, Дугъу кӀуру: – Магьа Йиз дада ва чвйир!
