Марк 3:2 - Гирами Китаб

² Сакьюдар адмийири, чпиз рябкъюри сар фужкӀа гьаму султ йигъан сагъ апӀидайкӀан, кӀури, ва гьаддилантина тахсир кипуз, Исайихъ ул хъипнайи.

Марк 3:2 Referans Kwoze

Лука 14:1

Саб султ йигъан Иса фарисйирин гьякимарикан сарин хулаз уьл ипӀуз гъюбакк ккуркьру; хъа, Дугъу гьапӀруш, дурари ул хъипнийи.

Лука 6:7

Къанунчйирна фарисйир, Исайик тахсир кипбан бадали, Дугъу султ йигъан думу сагъ апӀидайкӀан кӀури, ул хъипнайи.

Лука 20:20

Хъасин Дугъʼин ул алди гъитру, Дугъахъ футнакрар хъитру. Дурари, чпи зиълан дугъриди улупури, Дугъу гъапи гафарикан багьна дапӀну, хъасин Иса гьюкумдарин хилиз тувбан бадали, чарйир агуз хъюгъру.

Югьан 9:16

– Думу Адми Аллагьдихьан хьуз мумкин дар, гьаз гъапиш Дугъу султ йигъандин аьдат уьбхюрадар, – кӀури, гьадмуган аьрз гъапӀу фарисйирикан садари. – Гунагькар касдихьан мицдар аьламатар апӀуз шулинхъа? – кӀуйи тмундари. Ва гьамци, фарисйирин арайиъ гьюжат абхъру.

Матта 12:10

Душваъ хил деебццнайи сар кас айи. Исайик саб тахсир кипбан бадали, маллйири Дугъхьан гьерхру: – Мусайин Къанундиинди султ йигъан иццурайир сагъ апӀуз хай шулин?

Даниял 6:4

Хъа гьюкумдрари ва юрдарин аьхюдари кӀуруш, Данияли паччагьлугъдин ляхнар фици кӀули гъахурайкӀан кӀури, тахсир кипруб абгуз ккунди, ул хъибтри гъахьнийи. Аммаки дугъаз тягьна-тюмбюгь йивруб дурариз гьич саб фукӀара гъибихъундайи: Данияли вари дугъриди идара апӀурайи, дугъан я дюзди дяргъюрайиб, ясана кучӀал кайиб бихъуб гьич мумкин дайи.

Марк 3:3

Дугъу хил дебццнайи касдиз кӀуру: – Варидарин улихь дийигъ.

Югьан 8:6

Му, Иса ахтармиш апӀбан ва Дугъак тахсир кипбан бадали, саб багьна абгуз ккунди гьерхрайиб вуйи. Амма Исайи, ис алахъну, дурариз саб фикирра тутрувди, тӀубʼинди жилиин фу-вуш бикӀури гъахьну.