Марк 3:18 - Гирами Китаб

¹⁸ Андрей, Филип, Варфоломей, Матта, Фома, Алфейин бай Якьуб, Фадей, Кананит кӀуру лакӀам хъайи Шимон,

Марк 3:18 Referans Kwoze

Ляхнар 1:13

Чпи дергнайишваз дуфну, дурар заан хулаз удучӀвуру. Душваъ Петр, Югьан, Якьубна Андрей, Филипна Фома, Варфолемейна Матта, Алфейин бай Якьуб, Женгчи кӀуру лакӀам хъайи Симон ва Якьубдин бай Ягьуда айи.

Марк 2:14

Саб йишвхьантина гъягъюрайиган, Дугъаз налукар уч апӀрушвʼин деънайи Алфейин бай Левий кӀуру кас рякъюру ва дугъаз кӀуру: – Узухъди гъач! Думу, гъудужвну, Исайихъди гъягъюру.

Якьубдин 1:1

Аллагьдин ва Агъа Иса Месигьдин лукӀ Якьубдихьан вари дюнʼя вуйибси дарагънайи Израилин йицӀикьюб тухмин Аллагьдин адмийириз – саламар!

Матта 9:9

Ва гьадлинтина гъягъюрайиган, Исайиз налукар уч апӀрушвахь деънайи Матта кӀуру сар кас рякъюру ва дугъаз кӀуру: – Узухъди гъач. Маттара, гъудужвну, Дугъахъди гъягъюру.

Ягьудайин 1:1

Иса Месигьдин гъуллугънаъ айи Якьубдин гъардаш Ягьудайи Адаш Аллагьдиз масан вуйи ва Иса Месигьди уьрхюрайи дих дапӀнайидариз саламар хътаура.

Галат 2:9

Узуз вакилвалин багъиш тувнайиб дурариз аьгъю гъабхьиган, хъугърударин гъваикк ккудукьнайи мурхьлар вуйи Якьубдина, Петрина, Югьанди, узузна Варнавдиз чпин хилар гьачӀарккунчуз. Му дурарин чпихъди учура саб ляхин апӀурайивалин лишан вуйи. Учу – Аллагь аьгъдрудариз, хъа чпи – жугьдариз Ужувлан хабарнакан ктибтуз гъягъюз дурар рази гъаши.

Галат 1:19

Хъа имбу вакиларикан узуз, Агъайин гъардаш Якьубдилан гъайри, фужкӀара гъяркъюндарзуз.

Коринф-1 15:7

Хъасин Якьубдиз ачмиш гъахьну, хъасинси – Месигьдин вари вакилариз.

Коринф-1 9:5

Хъугъру дишагьли учуз швушвди хуз ихтияр адарин дарш? Ва думу хпир, Месигьдин имбуну вакилариси, Агъайин чвйириси вая Кифайиси, жвувахъди гъярушваз гъадагъуз шулдарин дарш?

Ляхнар 21:18

Хъайигъан Павел учухъди Якьубдин хулаз гъафнийи. Душваъ вари хъугънайидарин аьхюдар уч духьнайи.

Ляхнар 15:13

Дурарин улхуб ккудубкӀиган, Якьуб улхуз хъюгъру: – Гъардшар, узухъ хъебехъай!

Югьан 21:2

Симон Петр, КӀвятӀях кӀуру лакӀам али Фома, Галилей уьлкейиъ айи Кана шагьриан вуйи Нафанаил, Зеведейин кьюрид баяр ва Исайин кьюр жара ученикар – вари сатӀиди уч шулу.

Югьан 14:22

– Я Агъа! – кӀуру Искариотдиан дару Ягьудайи, – Уву, имбуну дюнʼяйиз ктарди, учуз фици ачмиш хьидива?

Югьан 11:16

«КӀвятӀях» кӀуру лакӀам хъайи Фомайи чан юлдшариз кӀуру: – Гъачай, Мялимдихъди сатӀиди ухьура йихурухьа!

Югьан 1:40

Ягьʼяйин гафарихъ хъебехъну Исайихъди гъушу кьюрикан сариз Андрей кӀуйи, думу, чаз Петр кӀури шлу Симондин чве вуйи.

Марк 6:3

Му харатчи уста, Марʼямдин Бай, Якьубдин, Юсуфдин, Ягьудайин ва Симондин чве дарин? Мугъан чйир гьамшваъ, ихь арайиъ, адаринхъа? Гьаци вуйиган, дурариз Исайихъ хъугъуз ккунди адайи.

Матта 13:55

Думу харатчийин Бай даринхъа? Дугъан дадайиз Марʼям кӀурдаринхъа, Дугъан чвйирра Якьуб, Юсуф, Симон ва Ягьуда даринхъа?

Марк 3:17

Зеведейин бай Якьуб ва Якьубдин чве Югьан (Дугъу мурариз «Воанергес», яна «Кьюркьлин цӀин баяр» кӀуру ччвур тувнийи),

Марк 3:19

ва хъасин Иса масу туву Искариот кӀуру лакӀам хъайи Ягьуда.