Марк 2:27 - Гирами Китаб

²⁷ Исайи давам апӀуру: – Султ йигъ адмийиз дапӀнайиб ву, хъа султ йигъаз адми – ваъ.

Марк 2:27 Referans Kwoze

Колосс 2:16

Гьаци вуйиган, гъит, гьич сарира учву ипӀрубдиз ва убхърубдиз тягьнийир дириври ва учвхьан, машкврар, ваз цӀийи алаувалар ва султ йигъар къайд апӀури гъахьунчва, кӀури, гьедрерхри.

Лука 6:9

Гьадмуган Исайи дурариз гъапи: – Узу учвхьан гьерхраза: султ йигъан фу апӀуз ихтияр а? Ужʼвал, даршиш писвал? Уьмур уьбхюз, дарш пуч апӀуз? Дурар чӀалкьан даркӀури гъузру.

Югьан 7:23

Мусайин Къанун дючӀрюбгъбан бадали, учву султ йигъанра адмийин суннат апӀураш, Узу султ йигъан адми сагъ гъапӀну кӀури, Узʼин хъял гьаз иливначва?

Коринф-2 4:15

Му вари, артухътӀан артухъ инсанар ужувлакк ккаърайи ужʼвали Аллагьдин адлувализ хъана артухъ чухсагъул пубан бадали, учвуз вуйи ужʼвал ву.

Марк 2:28

Гьаци вуйиган, Инсаниятдин Бай султ йигъʼинра Агъа ву.