Марк 2:12 - Гирами Китаб

¹² Думу дишла гъудужвуру ва, гъадабгъну чан ахин, варидарин улхьантина гьудучӀвну гъягъюру. Халкьди, гучӀбаан зегьле дубшну, Аллагьдин тярифар апӀури, гьамци кӀуру: – Учуз гьич зат мидиз ухшар аьламат гъябкъюб дарчуз!

Марк 2:12 Referans Kwoze

Матта 9:33

Жинар ктаубси, чӀал дибиснайир улхуз хъюгъю. Ва: «Израилиъ мициб ляхин саб вахтнара гъабхьиб дар!» – кӀури, халкь мюгьтал гъахьи.

Матта 9:8

Му гъябкъю халкь мюгьтал гъахьи, ва дурари адмийириз мициб гьюкум туву Аллагьдин тярифар апӀуз хъюгъю.

Лука 7:16

Мушвʼин вардарик пис гучӀ кабхъну, Аллагьдин адар апӀури, гьамци кӀури гъахьну: – Ихь арайиз зурба пайгъамбар адахъна, ва Аллагь Чан халкьдин гъайгъушнаъ а.

Ляхнар 4:21

Дурар, хъана гучӀар ккаъну, деетну. Гьаз гъапиш дурариз жаза тувуз гьякимарихьан багьна абгуз гъабхьундайи, фицики гъабхьибдиз лигну, вари халкьди Аллагьдин ад апӀурайи.

Югьан 9:32

Дюнʼя ккебгъхъанмина гъеебхьуб дархьуз, сар шли-вуш бабкан шлугантӀан кур вуйириз рябкъювал тувуб.

Югьан 7:31

Халкьдикан гизафдар Дугъахъ хъугънийи ва дурари кӀуйи: «Месигь гъафиган, Дугъхьан Гьаму КасдихьантӀан артухъ аьламатар улупуз шулинхъа?»

Лука 17:15

Дурарикан сар, учв сагъ гъашиб дябкъну, Аллагьдин ад за апӀури, кьяляхъ хътакуру

Лука 13:13

Хъа Исайи дугъʼин хилар иливуру, дишагьли дишлади хъцӀакуру ва Аллагьдин ад за апӀуз хъюгъру.

Лука 5:26

Хъа вари мюгьтал шулу ва, Аллагьдин тярифар апӀури, гучӀбаан зегьле дубшну, гьамци кӀури гъахьну: – Гъи аьжаб кереметнан ляхнар гъяркъюндарин ухьуз!

Марк 1:27

Вари русвагь шулу, сари-сарихьан гьерхуз хъюгъру: «Мурар гьапӀру цӀийи аьгъювалар ву? Мугъу жинаризра кмиди амур апӀураки, хъа дурар Мугъаз мютӀюгъ шулира а».

Матта 15:31

Ва гьаддиз, чӀал дибиснайидар чӀалниина дуфну, сакьатлудар сагъ духьну, ликудар рягьятди лицури ва кур духьнайидарин уларихь акв гьибшну гъябкъган, халкь мюгьтал гъахьнийи ва Израилин Аллагьдин адар апӀуз хъюгънийи.

Матта 12:23

Му ляхниин вари халкь аьжайиб шулу ва дурари гьамци кӀуру: «Гьаяман гьаму Давудгъярин Бай вушул гьа?»

Марк 2:11

– Гъудужв кӀуразавуз, гъадабгъну яв ахин, яв хулаз гъарах, – кӀуру.