Марк 16:19 - Гирами Китаб

¹⁹ Гьамци дупну, Агъа Иса завариз за шулу ва Аллагьдин арччулну хилихъ деъру.

Марк 16:19 Referans Kwoze

Петрин-1 3:22

Завариина за духьну, Думу гьамус Аллагьдин арччул хилихъинди хъа. Дугъаз вари малайикар, гьюкмар ва кьудратар мютӀюгъ гъахьну.

Жугьдариз 1:3

Бай – Аллагьдин ад атӀабгурайи Нур ву. Думу Аллагьдин аллагьвал ву. Дугъу, Бали, Чан кьудратлу гафниинди дюнʼя, ккададабхъуз гъидритди, дебккна. Думу, ихь гунгьар марцц дапӀну, аьршариъ ВаритӀанзаанурин арччул хилихъинди деъна.

Жугьдариз 12:2

Зат ктӀатӀарццди Исайиз лигури гъузурхьа. Думу, ихь хъугъувалин ккергъубра ва ккудукӀубра ву. Дугъу, гъюз ккайи шадвал бадали, беябурваликкди хачриин аьзиятар аьгь гъапӀну ва гьамус Думу, Аллагьдин тахтнан арччул терефнахъинди деъна.

Рим агьларихьна вуйи кагъаз 8:34

Шли дурар тахсирлу апӀиди? Месигь Иса гъакӀну, хъа чӀиви гъахьну, хъа гьамус Аллагьдин арччулну хилихъинди деъна ва ухьхъанди ккарагура.

Ляхнар 2:33

Гьамус Думу аьршариин Аллагьдин арччул хилихъ деъна. Дугъу Адашдихьан тувурза дупнайи Гирами Рюгь кьабул гъапӀну ва Гьадму, учвуз рябкъюрайиси ва ебхьурайиси, учʼин улурзну.

Жугьдариз 8:1

Учу учвуз кӀурайибдин варитӀан кӀулинуб – аьршариъ айи Вариудукьрурин тахтнан арччул терефнахъинди хъайи заан Гъуллугъчи ухьуз ахьуз.

Колосс 3:1

Аллагьди учву Месигьдихъди чӀиви дапӀнайиган, Аллагьдин арччул хилихъинди деънайи Месигьдихьинди, заваринубдихьна, ял апӀинай.

Югьан 20:17

– Узук мукучан! – кӀуру дугъаз Исайи. – Узу сабан Йиз Адашдихьна хъадакнадарза. Уву, душну, Йиз чвйириз: «Узу Йиз Адашдихьна ва ичв Адашдихьна, Йиз ва ичв Аллагьдихьна хътакураза», кӀура, йип.

Жугьдариз 6:20

Ари гьадушвазди, Мелхиседекдиз ухшар ади, гьаммишандиз заан Гъуллугъчи духьну, ихь улихьди гъафи Иса учӀвну.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Югьан 6:62

Хъа учву, Инсаниятдин Бай Учв наънан гъафнуш, гьадина за шули рякъруган гьапӀдичва?

Лука 9:51

Иса жиларилан аьршариз гъадагъру йигъар багахь гъахьиган, Дугъаз Ерусалимдиз гъягъюз ккун шулу.

Жугьдариз 9:24

Гьаддиз Месигь, инсанарин хилариинди дапӀнайи ва гьякь гирами Чадрин сиринтӀан дару жилин Чадриъ учӀвнадар, ваъ, Думу, Аллагьдин улихь ухьхъанди гаф кӀури, гьадму аьршариъ учӀвна.

Жугьдариз 7:26

Ари гьамци гирами, гьич саб тахсир ктру, марцци, гунагькрариккан асиллу дару ва аьршартӀанна заан вуйи заан Гъуллугъчи ухьуз лазимра вухьуз.

Жугьдариз 4:14

Ухьухъ зурба вуйи Аллагьдин заан Гъуллугъчи хъахьухъ – аьршариз Гъушур. Думу – Аллагьдин Бай, Иса ву. Гьаддиз гъачай, хъугъну, учу ктибтурайи гьякьʼвалихъан ижмиди хъичӀихну гъуздихьа.

Ляхнар 3:21

Думу аьршариин Аллагьди Чан марцци пайгъамбрарин мелзналан дупнайи вари ляхнар тамам апӀайизкьан гъузди.

Югьан 21:22

– Узуз думу, Узу хъадакну гъяйизкьан, яшамиш шули гъузну ккунди шул. Хъа яв фу хъаяв дугъахъ? – жаваб туву Дугъу. – Уву Узухъди гъач!

Югьан 21:15

Дурари гьирин уьл ипӀбалан кьяляхъ, Исайи Симон Петриз кӀуру: – Я Югьаннайин бай Симон, увуз Узу гьамраризтӀан гизаф ккундунуз? – Ав, Агъа, узуз Уву ккуниб Увузра аьгъявуз, – жаваб туву Петри. – Йиз ччилар уьрх, – кӀуру Исайи.

Югьан 17:13

Хъа Узу гьамус Увухьна гъюраза. Узу сабан жилиин илмиза, му вари Узу гьаддиз кӀураза, Йиз абцӀну вуйи шадвал Узухъди дурарира пай апӀбан бадали.

Югьан 16:28

Узу му дюнʼяйиз Адашдихьан гъафунза ва гьамус, дюнʼя дипну, Дугъахьна хътакураза.

Югьан 13:1

Жугьдарин Пасхайин машквар багахь шулайи. Исайиз, Чав му дюнʼя дипну, Адашдихьна хътакру вахт улубкьнайиб аьгъяйи. Му дюнʼяйиъ Чандар вуйидар Дугъаз ккундийи, ва гьамус Дугъу дурарихьна вуйи Чан масанвалин кьувват улупуз гьял гъапӀнийи.

Марк 16:20

Хъа дурар гъягъюру ва варишвариъ Ужувлан хабар рабгъуру. Дурарин му ляхниз Агъайи кюмек апӀуру, ва дурари улупру аьгъювалар аьжайиб лишнариинди мюгькам шуйи.

Лука 22:69

Гьамусдихъантина Инсаниятдин Бай кьудратлу Аллагьдин арччул гъвалахъ деъди.