Марк 16:18 - Гирами Китаб

¹⁸ Эгер битӀ гъибисиш, ясана агъу гъубхъиш, дурариз саб зарарра хьибдар; иццрудариин хилар иливиди – ва дурар сагъ хьиди.

Марк 16:18 Referans Kwoze

Лука 10:19

БитӀариин, аькьрабариин ва вари душманвалин кьувватариин алархьуз Узу гьюкум тувразачвуз ва учвуз фтикӀа зарар тувидар.

Ляхнар 19:12

гьаддиз дугъан хил кубкӀу ягълухъар, ккурттарра кмиди, аьзарлуйир сагъ апӀбан бадали, ишлетмиш апӀуйи ва дурар сагъра шуйи. Дурариан гьацира жинарра удучӀвуйи.

Ляхнар 4:30

Аьзарлуйир сагъ апӀури, аьламатар ва аьжайиб лишнар улупури, Яв Гирами Гъараваш Исайин ччвурнахъди Яв кьувват улуп.

Ляхнар 3:16

Му кас Исайин кьувватниинди сагъ духьнайир ву, фицики учу Исайин кьувватнахъ хъугънача. Учвуз гьаму кас аьгъячвуз ва Исайихьан вуйи хъугъували думу сагъ апӀувал магьа гъябкъюнчвуз!

Ляхнар 9:34

Петр дугъаз кӀуру: – Эней! Месигь Исайи уву сагъ апӀура. Яв ахниккан гъудужв! Энейра дишла гъудужвуру.

Ляхнар 3:12

Му гьял дябкъну, Петри кӀуру: – Израилин агьалйир, мидʼин гьаз аьламат духьначва? Гьаз учву учуз, му касдин ликар ич кьувватниинди ва ужувлиинди сагъ дапӀнайиси, лигурачва?

Марк 5:23

ва, Дугъкан миннат апӀури, кӀуру: – Йиз риш йикӀура. Миннат вуйиз, дуфну дугъʼин хилар илив, думу сагъ хьиди, чӀивиди гъузди.

Рим агьларихьна вуйи кагъаз 16:20

Мясляаьт туврайи Аллагьди багарихьди иблис дармадагъин апӀиди ва думу ичв ликариккинди гатӀабхьиди. Гъит, учвуз Агъа Исайин ужʼвал ибшри.

Коринф-1 12:9

шлиз-вуш гьадму Рюгьну хъугъвал тувра; шлиз-вуш гьадму Рюгьну уьзрар сагъ апӀувал тувра.

Ляхнар 4:10

учвуз варидариз ва вари Израилин халкьдиз аьгъю ибшри, му, учву дариз гъизигу ва Аллагьди чӀиви гъапӀу Назаретдиан вуйи Месигь Исайин гьунарниинди думу ичв улихь сагъ духьну, дийигъна.

Ляхнар 4:22

Сагъ гъаши касдин ягъчӀвур йистӀан артухъ вуйи.

Эвел 3:15

Увуна дишагьли душмнар апӀидизачву, ва ичв насларра чиб-чпиз душмнар хьиди: дугъан насли яв кӀул уьбгъидияв, ва уву думу наслин швякьраз галам йивидива.