Марк 16:17 - Гирами Китаб

¹⁷ Хъугъдарихьан аьламатар улупуз хьибди: дурарихьан Йиз ччвурниинди жинар утӀурккуз хьиди, цӀийи чӀалариинди кӀури хьиди.

Марк 16:17 Referans Kwoze

Ляхнар 5:16

Ерусалимдин аьтрафарихъ хъайи шагьрариан аьзарлуйир ва жинар кучӀвнайидар хури, инсанарин аьхю дестйир гъюз хъюгъюйи, ва вари сагъ шулира гъахьну.

Коринф-1 12:28

Хъугърударин арайиъ Аллагьди саспидар Месигьдин вакиларди, саспидар пайгъамбрарди, саспидар мялимарди дерккну. Дугъу гьацӀариз аьламатар улупуз шлу кьувват, гьацӀариз – сагъ апӀру, гьацӀариз – касибариз кюмекар апӀру, гьацӀариз – гьякимвал апӀру, гьацӀариз жара чӀалариинди улхру багъишар тувну.

Коринф-1 12:10

Сарсануриз – аьламатар улупру кьувват; гьатмунуриз – пайгъамбарвалин гаф; шубурпириз – рюгьяр жара апӀуз шлувал; гьатмунуриз – гьар жюре чӀалар, гьаккмунуриз – гьадму чӀалариинди гъапибдин гъавриъ ауз шлувал.

Ляхнар 8:7

Гьаз гъапиш, дугъу гизафдариан чӀигъар апӀурайи жинар адаъну ва аьхючӀвеъ паралич кайидар, ликудар сагъ гъапӀну.

Лука 10:17

Исайи гьаънайи ургцӀурна кьюр ученикди, шадди кьяляхъ хъадакну, кӀуру: – Агъа! Яв ччвурнахъди учуз жинарра кимиди мютӀюгъ шуйи.

Ляхнар 10:46

Фицики дурариз гьадрари фици, жара чӀалариинди улхури, Аллагьдин аьхювалин тяриф апӀураш, ебхьурайи. Гьадмуган Петри кӀуру:

Югьан 14:12

Гьякьлу вуйи гьякь кӀуразачвуз: фуж Узухъ хъугъраш, гьацири Узу апӀурайи ляхнар апӀиди ва УзутӀан артухъдира кади апӀиди, фицики Узу Адашдихьна гъягъюраза.

Ляхнар 19:6

Хъа Павели дурариин хилар иливиган, дурариина Гирами Рюгь гъафнийи ва дурар, жа-жара чӀалариинди улхури, пайгъамбарвалин гафар пуз хъюгъру.

Коринф-1 14:2

Таниш дару чӀалниинди гафар апӀурайир адмийирихъди ваъ, хъа Аллагьдихъди улхура. Фицики дугъан фужкӀа гъавриъ ахъдар, амма Рюгьниинди дугъу сирарикан кӀура.

Коринф-1 12:30

Вари уьзрар сагъ апӀрудар шулин? Вари жара чӀалариинди улхрудар шулин? Ясана думу чӀаларин гъавриъ аъру гъуллугъ вардиз тувнайин?

Коринф-1 13:1

Эгер узуз вари адмийирин ва малайикарин чӀалар аьгъяди, хъа масанвал адарш – узу гаргврин бябрягъяр ва далдабуйин дабдаба вуза.

Ляхнар 16:18

Гьамци думу шуру гизаф йигъари кӀури гъахьну. Павелихьан аьх апӀуз дархьиди, шурахьинди илдицну, дугъак кайи фалин жиндиз кӀуру: – Месигь Исайин ччвурнахъан увуз амур апӀураза: дугъʼан удубчӀв! Думу жинра дишлади шурʼан удубчӀвуру.

Марк 9:38

– Мялим, – кӀуру Дугъаз Югьанди, – учуз Яв ччвурниинди жинар утӀурккурайи сар кас гъяркъюнчуз, ва учу дугъаз, ухьухъди хътруган, гъадагъа гъапӀунча.

Ляхнар 2:33

Гьамус Думу аьршариин Аллагьдин арччул хилихъ деъна. Дугъу Адашдихьан тувурза дупнайи Гирами Рюгь кьабул гъапӀну ва Гьадму, учвуз рябкъюрайиси ва ебхьурайиси, учʼин улурзну.