Марк 16:12 - Гирами Китаб

¹² Мидхъан Думу жара суратнаъди дурарикан кьюриз, чпи шагьриан удубчӀвурайи рякъюъ айиган, ачмиш гъахьнийи.

Марк 16:12 Referans Kwoze

Югьан 21:14

Гьаму Иса, дукӀну чӀиви гъахьихъанмина, Чан ученикариз ачмиш шули шубубпи раж вуйи.

Югьан 21:1

Хъасин Тивериад гьюлин гъирагъдихъ Иса Чан ученикариз хъана ачмиш шулу. Думу магьа гьамци гъабшиб ву.

Марк 16:14

Аьхирки, йицӀисар ученик суфрайихъ деъну уьл ипӀурайиган, Иса Учв ачмиш шулу ва, кӀван курвализ ва хътругъувализ дилигну, Дугъу дурариз тягьна йивуру, гьаз гъапиш дурар Думу чӀиви духьну гъяркъдарихъ хъугъундайи.

Лука 9:29

Ккарагурайиган, Исайин машнан рябкъювал дигиш шулу ва Дугъан палтарра лизи шулу, вацӀрацӀар апӀури, нур туври шулу.

Ляхнар 1:3

Учв дукӀну чӀиви гъахьихъантинара, Иса швнубсабан дурарин улихьна гъюри гъахьну ва Дугъу, Учв чӀиви хьувал усбат апӀури, хайлин шагьидвалар улупну. Учв чӀиви гъахьихъантина ягъчӀвур йигъандин арайиъ Чан вакилариз ачмиш шули, Дугъу дурариз Аллагьдин Паччагьлугъдикан ктибтури гъахьну.