Марк 16:1 - Гирами Китаб

¹ Султ йигъ улдукьиган, Магдалайиан вуйи Якьубдин дада Марʼямди ва Саломеяйи Исайин бедендикан ктатуз ицци ниъ хъайи ччимар гъадагъуру.

Марк 16:1 Referans Kwoze

Лука 23:56

Хъасин хулариз хътаку, дурари ицци ниъ хъайи аьтрарна ягъар гьязур гъапӀу, хъа султ йигъан, Къанундиъ улупнайиганси, дурар фаракьат гъахьи.

Марк 15:40

Душвахь, ярхлаан лигури, сакьюдар дишагьлийирра хьайи. Дурарин арайиъ Магдалайиан вуйи Марʼям, бицӀирнур Якьубдинна Юсийин дада Марʼям ва Саломея айи.

Югьан 19:31

Му жвуми йигъан гъабхьиб вуйи, ва жугьдарин гьякимариз дариз дизигнайидарин майтар султ йигъаз хачарик керхну гъитуз ккунди адайи, фицики гьаму султ йигъан дурарин аьхю вуйи Пасхайин машквар ккебгърайи. Гьаддиз дурари Пилатдикан, керхнайидарин ликар дюргъну, дурар хачракан ктагъуб тӀалаб гъапӀнийи.

Югьан 19:25

Иса керхнайи хачран багахь Дугъан дада, дадайин чи, Клеопдин шив Марʼям ва Магдалайиан вуйи Марʼям дийигънайи.

Марк 16:8

Дурар, накьвдиан удучӀвдар, гучӀбаан гьергну гъягъюру. Дурари гьич саризра фукӀара гъапундайи – дурариз гучӀуйи.

Марк 15:47

Хъа Магдалайиан вуйи Марʼямна Юсийин дада Марʼям, Думу наан кивраш, лигурайи.

Марк 14:8

Дугъу чахьан шлуб гъапӀну: улихьмиди дугъу Йиз жан, ччим кадатну, накьвдиъ ивуз гьязур гъапӀну.

Марк 14:3

Думу Вифания гъулаъ хамран аьзар кади гъахьи Шимондин хулаъ гештнаъ айиган, душваъ, лизи ругдин бетисибдиъди, нард гьарин багьа марцци ягъ хьади, сар дишагьли учӀвру, ва дугъу дидиъ айи ицци ниъ хъайи ягъ Исайин кӀулʼин улубзуру.

Лука 23:54

Жвуми йигъ вуйи, султ йигъ улубкьуз багахь шулайи.

Марк 15:42

Сарун хябяхъ шулайи. Хъа му йигъ, султ йигъан улихь хьимбу жвуми йигъ вуди хьпаз дилигну,

Эвел 50:2

Юсуфди чан гъуллугънаъ айи жярягьариз Израилин беден дурубтӀуз мялгьямариан апӀуз буйругъ туву.

Марк 16:2

Гьяфтайин садпи йигъан, яна элгьетган, гвачӀнин ухди, ригъдин сабпи нурарихьди, дурар накьвдихьна гъюру.

Лука 24:1

Чпи гьязур дапӀнайи аьтрин ниъ хъайи ягъарра хьади, элгьет йигъан, ахсрарихъди, гьадму дишагьлийир хъана накьвдихьна гъягъюру.