Марк 14:6 - Гирами Китаб

⁶ хъа Исайи кӀуру: – Думу сикинди гъитай! Фу кӀури учву дугъак кудукьначва? Узуз дугъу ужуб ляхин гъапӀну!

Марк 14:6 Referans Kwoze

Жугьдариз 13:21

учву Чан ният тамам апӀру гьарсаб ужуб ляхнихъ хъаъри. Ва, гъит, Иса Месигьдилантина Дугъу ухьу, Чаз ккуниб апӀруси, гъитри. Хъа Иса Месигьдин, гъит, гьаммишандиз ад ибшри. Амин.

Жугьдариз 10:24

Сар-сарихьна масанди гъузруси ва ужувлан ляхнар апӀруси, чиб-чпин гъайгъу зигури хьидихьа.

Титдиз 3:14

Гъит, ужудар ляхнар апӀури, ихьдаризра дарс ибшри ва гьудрубкӀрушваъ кюмек апӀуз дубгъри, хъа гьадмуган дурарин уьмур бегьер хруб хьибди.

Титдиз 2:14

Ухьу законсузваликкан азад апӀбан бадали, Чаз дурукьнайи халкь марцц апӀбан бадали ва думу халкь, вари юкӀв хъипну, ужʼвал апӀуз улихь гъягъбан бадали, Гьадгъу ухьхъанди Чан жан тувну.

Тимофейиз-2 2:21

Вари чӀурубдихьан марцц гъахьир гьюрматлу гъаб хьиди: дицир кас гирами дапӀна; Эйсийи гьадму ишлетмиш апӀиди, думу гьаммишан гьарсаб ужувлан ляхниз гьязурди гъубзди.

Эфес 2:10

Аллагьди ухьуз дерккнайи ужувлан ляхнар тамам апӀуз, ухьу Иса Месигьдиъ саб дапӀну, халкь дапӀнайидар вухьа.

Ляхнар 9:36

Яффайиъ Тавифа (грек чӀалниинди Доркас, яна «Жейран») кӀуру сар хъугънайи дишагьли айи. Дугъу, ужувлар апӀури, касибариз садакьйир тувуйи.

Матта 26:10

Дурарин гъавриъ ахъу Исайи кӀуру: – Дишагьлийиз нач шлуси гьаз кӀурачва? Узу бадали дугъу ужуб ляхин апӀура.

Титдиз 3:8

Мурар дугъри гафар ву. Узуз уву гьаму гьякьяр дурарин юкӀвариъ тӀаъри ккундузуз. Гъит, Аллагьдихъ хъугърудар, ужувлар апӀури, ацӀри. Хъа мици хьуб варидариз успагьи ва мянфяаьтлу ляхин ву.

Титдиз 2:7

Уву дурариз вари яв алдабгъурайи ликдииндина ляхнариинди чешнеди гъуз. Гъит, уву улупурайи аьгъювалар лап кӀваантӀан ва гьюрматназ лайикь ишри,

Тимофейиз-1 6:18

Дурарикан ужувлар апӀуб ккун апӀин, гъит гъяни ляхнарихьди девлетлу ишри. Кьискьисар даришри ва иштагьниинди имбудариз чпин девлетнакан капӀри.

Тимофейиз-1 5:10

Думу дишагьлийин ужудар ляхнар аьгъю ишри: бицӀидар вердиш гъапӀу ва хялар кьабул гъапӀу, хъугъру гъардшарин ликар гъижикӀу, читинвал алабхъдариз кюмекнаъ ва гьарсаб ужудар ляхнариз бахш гъашир.

Фессалоник-2 2:17

ичв юкӀвариъ ккарцувал тӀапӀри ва гьарсаб ужувлан ляхниз ва гафназ мюгькам апӀри.

Колосс 1:10

Учу гьацира, учву Агъайиз лайикьлуди яшамиш хьпан бадали, вари Гьадгъаз хуш вуйиси апӀбан бадали, учву апӀурайи гьарсаб ужувлан ляхниъ ужуб бегьер хьпан бадали ва учвуз Аллагьдикан аьгъюб артухътӀан артухъ ибшри кӀури, ккарагури шулча:

Коринф-2 10:18

Чан тяриф чав апӀурайирин гаф Агъайи кьабул апӀидар. Агъайин тяриф апӀурайирин – апӀиди.

Коринф-2 9:8

Аллагьдихьан вари учвуз лазим вуйиб гьаммишан артухъра кади хьпан бадали ва вари гъяни ляхнаризра гьубкӀну шлуси, фу вушра тувуз шулу,

Петрин-1 2:12

Гъит, ичв хасият Аллагьдихъ хътругърударин арайиъ марцциб ибшри. Ва гьадмуган, гьаму ражари учвуз, пис касар ву, кӀури люкьнар апӀурайидари, учву апӀурайи ужувлан ляхнар рякъюри, Аллагь гъафи гъиямат йигъан, Дугъан ад апӀиди.

Марк 14:5

– Гьамкьан ицци ниъ хъайи ягъ мугъу гьаз чӀур гъапӀу? Гьаму ччим шубудварж динар пулихъ масу тувну, хъа гьадму пул касибариз пай апӀуз шуйи, аьхир! Дурари дишагьлийиз люкьнар апӀуз хъюгъю,

Марк 14:7

Касибар гьарган учвухъди хьиди, ва учвхьан дурариз кюмекар апӀуз хьибдичвухьан, хъа Узу учвухъди гьарган хьидарза.