Марк 14:5 - Гирами Китаб

⁵ – Гьамкьан ицци ниъ хъайи ягъ мугъу гьаз чӀур гъапӀу? Гьаму ччим шубудварж динар пулихъ масу тувну, хъа гьадму пул касибариз пай апӀуз шуйи, аьхир! Дурари дишагьлийиз люкьнар апӀуз хъюгъю,

Марк 14:5 Referans Kwoze

Югьан 13:29

Хъа Ягьудайихь чпин уртахъ пул хьайиган, дурарикан сякьюдари: Исайи дугъаз: «ухьуз машквраз фукӀа гъадабгъ» вая «касибариз фукӀа тув», кӀурайиси фикир апӀуру.

Ягьудайин 1:16

Думу адмийирин ушв рабхбакан сикин дар. Дурар чпин кьисматнакк аьсси духьна. Дурар чпин тямягьярин хилиъ аьжуз духьна. Дурар, чпин авазйир апӀури, гъючӀвру ва чпиз хайирнахъди, сар шлин-вушра тярифар апӀури, хъюгъру.

Филипп 2:14

Мурмрарна гьюжатар дарапӀди, вари апӀинай.

Эфес 4:28

Шли гьитӀибкӀуйиш, сарун мигьитӀибкӀан, жвуван хилари гъазанмиш апӀин ва адрудариз капӀ.

Коринф-1 10:10

Учвура, гьадрарикан гьацӀарси, бурбрар апӀури махьанай, гьаддилан дурар пуч апӀру малайикди тӀанкь гъапӀнийи.

Югьан 6:43

– Иц макабхъанай, – кӀуру дурариз Исайи, –

Югьан 6:7

– Дурариз варидариз уьлин саб кьацӀкьан ккубкьбан бадали, уьл гъадабгъуз кьюдварж динар пулра гьудрубкӀур, – жаваб туву Филипди.

Лука 15:2

Фарисйирина аьлимари, Дугъу гунагькрар кьабул апӀура ва дурарихъди уьл ипӀури шула кӀури, наразивал улупури гъахьну.

Матта 20:11

Чпин гьякъи гъадабгъну, дурар эйсийиз чпин наразивал улупуз хъюгъю:

Матта 18:28

Амма думу гъуллугъчийи, дилин удучӀвиган, чан юлдшарикан чаз варж динар пул буржлу вуйир дагну, думу дидисну: «Увук кайи йиз бурж ча», кӀури, думу бугъмиш апӀуз хъюгънийи.

Марк 14:4

Душваъ айи хяларикан сакьюдари наразиди чиб-чпикди гьамци кӀуйи:

Марк 14:6

хъа Исайи кӀуру: – Думу сикинди гъитай! Фу кӀури учву дугъак кудукьначва? Узуз дугъу ужуб ляхин гъапӀну!

Матта 26:9

Му аьхю кьиматнахъ масу тувну, пул касибариз пай апӀуз шулийда, – кӀуйи.