Марк 13:6 - Гирами Китаб

⁶ Фицики гизафдар: «Гьадму узу вуза» кӀури, Йиз ччвурнаккди гъиди ва гизаф халкьар алдатмиш апӀиди.

Марк 13:6 Referans Kwoze

Марк 13:22

Гьаз гъапиш кучӀлин месигьар ва кучӀлин пайгъамбрар ачмиш хьиди. Эгер удукьуруш, гьеле кадагънайидарра чпихъинди илтӀикӀуз дурари аьламатнан лишнар ва аьжайиб ляхнар улупиди.

Югьандин-1 4:1

Йиз ккунидар, фунуб рюгьнахъ вушра, яна адмийихъ мехъебехъанай. Хъа дурар Аллагьдихьан вуйин – дарин, гьарган ахтармиш апӀури йихьай, фицики дюнʼяйиз бегьем кучӀлин пайгъамбрар ачмиш духьна.

Югьан 8:24

Узу учвуз гъапунзачвуз: «Гунгьариъди йихидичву!» Узу Гьарганур Аллагь вуйибдихъ эгер учву хътругъиш, учву вари гунгьариъди йихидичву!

Югьан 5:43

Узу Йиз Адашдин ччвур бадали учвухьна дуфназа, хъа учву Узу кьабул апӀурадарчва, хъа эгерки сар жара фуж-вуш, чан чаинди чан тярифар апӀури учвухьна гъафиш, кьабулра апӀурчва.

Матта 24:11

Хъасин хайлин кучӀлин пайгъамбрар арайиз удучӀвиди ва дурари гизафдар алдатмиш апӀиди.

Матта 24:5

Фицики гизафдар: «Узу Месигь вуза» кӀури, Йиз ччвурнаккди гъиди ва гизаф халкьар алдатмиш апӀиди.

Марк 13:5

Исайи кӀуру: – Лигайгьа, шликӀа учву алдатмиш дарапӀбан бадали, ихтият йихьай.

Марк 13:7

Учвуз багахь ва ярхла дявйирикан гъеебхьиш, гучӀ мапӀанай: гьаци дубхьну ккунди айиб ву, хъа гьаци хьувал сабан аьхир вуди хьибдар.

Югьан 8:28

Исайи давам гъапӀу: – Учву Инсаниятдин Бай за гъапӀиган, гьадмуган аьгъю хьибдичвуз, Узу Гьарганур вуйиб, ва Узу Йиз Узлан фукӀара дарапӀруб: Узу анжагъ Адашди улупуб кӀураза.