Марк 13:33 - Гирами Китаб

³³ Гьаци вуйиган, лигай, ккилигури ва гьязурди гъузай. Думу вахт фила улубкьуруш, учвуз аьгъдарчвуз.

Марк 13:33 Referans Kwoze

Эфес 6:18

Гьубкьу жюрейиинди ккарагай ва Рюгьнаъди учвуз ккуни вахтна Аллагьдикан тӀалаб апӀинай. Гьаци хьуз гьязурди ва Аллагьдин вари гирами халкьдихъан гьаммишан ккарагури гъузай.

Лука 12:40

Учвура гьязурди гъузай, фицики учву ккилигури адру сяаьтна Инсаниятдин Бай гъиди.

Ачмиш 16:15

«Магьа, Узу тӀафалси, хабарсузди гъидиза. Хушбахтавар ву ккилигурайир ва чан палтар уьрхюрайир, дицир гъяцӀалди гъягъидар, ва гьич саризра дугъан аьйибнан йишвар рякъидар!»

Петрин-1 5:8

Ичв фагьмихъ гъузай, мааханай! Учвуз къаршу вуйир, иблис, гашу удубтӀнайи асланси, учвкан хътӀюкьюз ужур агури либцура.

Петрин-1 4:7

Варибдин аьхир багахь шула. Гьаддиз ачухъ фикир айидар йихьай, фагьум апӀинай, хъа гьадмуган ккарагуз хьибдичвухьан.

Матта 25:13

Гьаци вуйиган, мааханай, гьаз гъапиш я йигъ, я сяаьт аьгъдарчвуз.

Ачмиш 3:2

Уягъ йихь ва мюгькам апӀин уву имбу гьамус-хъа йибкӀру гьялнаъ айиб. Яв ляхнар Йиз Аллагьдиз хуш шлударстар вуди гъяркъюндарзуз.

Коринф-1 16:13

Мугъаятди гъузай! Хъугъвалиъ ижмиди гъузай, кӀубанди ва кьувватлуди йихьай!

Марк 13:23

Гьаци вуйиган, ихтиятди гъузай. Узу учвуз вари улубкьруб улихь имиди гъапунзачвуз.

Жугьдариз 12:15

Лигайки, гьич сарра Аллагьдин ужувлахъ мягьрум даришри ва кьутӀкьли кьаблиси зарар-зиян тувруси дарибшри, гьацдарилантина чиркин даришри.

Рим агьларихьна вуйи кагъаз 13:14

Ихь Агъа Иса Месигьди учву уьрхричву, ичв бедендин гъайгъушин тямягьяриз миилтӀибкӀанай.

Колосс 4:2

Гьаммишан ккарагури йихьай, ккарагруган, кӀубанди йихьай ва чухсагъул кӀури йихьай!