Марк 13:22 - Гирами Китаб

²² Гьаз гъапиш кучӀлин месигьар ва кучӀлин пайгъамбрар ачмиш хьиди. Эгер удукьуруш, гьеле кадагънайидарра чпихъинди илтӀикӀуз дурари аьламатнан лишнар ва аьжайиб ляхнар улупиди.

Марк 13:22 Referans Kwoze

Матта 24:24

фицики кучӀлин месигьар ва кучӀлин пайгъамбрар удучӀвну, зурба аьламатнан лишнар улупуз хъюгъди. Дурар, чпихьан шулуш, гьелле Аллагьди кадагънайи касарра алдатмиш апӀуз чалишмиш хьиди.

Марк 13:6

Фицики гизафдар: «Гьадму узу вуза» кӀури, Йиз ччвурнаккди гъиди ва гизаф халкьар алдатмиш апӀиди.

Югьандин-1 2:26

Узу му учвуз, учву алдатмиш апӀрударикан бикӀураза.

Матта 7:15

Кьюб маш гъяйи пайгъамбрихьан ихтият йихьай. Учвухьна дурар марччлин гъидикь алди гъюра, айтӀан кӀуруш дурар вягьши жанаврар ву.

Ачмиш 17:8

Увуз гъябкъю вягьши гьяйванат саб вахтна айи, хъа думу сарун имдар. Гьамус, багарихьди думу, кӀан ккадрушвʼан аьжал хъудубкьнайиб, удубчӀвиди. Дюнʼя халкь апӀайиз Уьмрин китабдик ччвурар дидикӀну адру дюнʼяйин вари адмийир, думу вягьши гьяйванат гъябкъиган, мюгьтал хьиди, гьаз гъапиш саб вахтна думу айи, хъа гъудубгнийи, хъа гьамус хъана ачмиш хьибди.

Югьандин-1 2:19

Месигьдиз къаршу вуйи гьадму касар ихь арайиан удучӀвдар вуйи, хъа дугъридан дурар ухьукди кидикьнайидар дайи. Эгер дурар дугъриданра ухьукди кидикьнайидар вуйиш, дурар ихь арайиъ гъуздийи. Аммаки дурар вари гьергну, гьамди дурарин ухьук кидикьну адрувал улупура.

Югьан 4:48

– Учвкан саркьан, аьламатар ва аьжайиб лишнар дярякъкьан гагьди, хъугъуз ккайидар дарчва! – гъапи дугъаз Исайи.

Ачмиш 13:8

Дюнʼя арайиз хайиз гъурбан апӀуз гьязурди айи Ччилахь хьайи уьмрин китабдик ччвурар ктру жилин вари адмийири дидиз икрам апӀиди.

Тимофейиз-2 2:19

Хъа Аллагьди ккивнайи бин мюгькамди дийибгъна, ижмиб ву. Дидʼин гьамци кӀури, лишан алабсна: «Аллагьдиз Чандар аьгъя». Ва хъана: «Гьарсари, Агъайин ччвур бисрури, гьич чӀуруб дарапӀри!»

Марк 13:21

Эгер учвуз думуган «Лиг, Месигь гьамшвахь хьа», вая «Лиг, гьатушвахь хьа» гъапиш, мухъугъанай.

Марк 13:23

Гьаци вуйиган, ихтиятди гъузай. Узу учвуз вари улубкьруб улихь имиди гъапунзачвуз.

Югьандин-1 2:18

Баяр-шубар, аьхиримжи вахтар улукьура! Учвуз гъеебхьиганси, Месигьдиз Къаршур гъиди, дупна. Лигуруш, дурар, ихь Месигьдиз къаршу касар, гизаф духьна. Магьа гьаддиз ухьуз, аьхиримжи сяаьт улубкьнайиб рябкъюрахьуз.