Марк 13:11 - Гирами Китаб

¹¹ Учву суддиз гъухиган, фу кӀуруш, дидин гъайгъушнаъ махьанай: гьадму сяаьт учвуз кӀуруб, фу тувнади гъабшиш, гьадму йипай – учву кӀури хьидичва, хъа Гирами Рюгьну ичв мелзниинди пиди.

Марк 13:11 Referans Kwoze

Ляхнар 6:10

Амма дурарихьан Стефандин фагьумлувал ва дугъак кайи Гирами Рюгь ккагъуз гъабхьундар.

Петрин-1 1:12

Пайгъамбрариз чпи чпин – ваъ, хъа – ичв гъайгъушин бадали гъилихуваликан ачмиш гъабхьнийи. Дурари аьршариан гьаънайи Гирами Рюгьну дебкку Ужувлан хабарнакан хабар дебккнийи – гьаму ражари рабгъурайи Ужувлан хабар. Гьаму сир аьгъю апӀуз ккунди, гьеле аьршарин малайикарра кмиди тямягьну йихура.

Коринф-1 2:13

Мидкан учу, инсандин фагьмиинди ваъ, хъа Рюгьну улупу гафариинди кӀурача. Рюгьниинди вуйи гьякьярин гъавриъ, учуз Рюгьну улупну, тӀаърача.

Якьубдин 1:5

Эгер учвкан шлиз аькьюл гьубкӀрадарш, дугъу, гьяйиф ктарди багъиш апӀру ва камивалар дарагру Аллагьдикан тӀалаб апӀри ва Аллагьди дугъаз тувди.

Эфес 3:5

Му сир аьгъю хьуб гьамусдизкьан айи инсаниятдиз тувнайиб дайи. Хъа гьамус Рюгьну Аллагьдин гирами вакиларизна пайгъамбрариз думу аьгъю гъапӀну.

Ляхнар 4:31

Ккарагбахъан, дурар али йишв тӀубччвуру ва дурар Гирами Рюгьнахъди ацӀру. Гьаддиз дурари Аллагьдин Гаф аьшкьниинди пуз хъюгънийи.

Ляхнар 2:4

Хъа вари Гирами Рюгьнахъди ацӀру, ва жара чӀалариинди улхуз хъюгъру, фицики гьаци хьувал дурариз Гирами Рюгьну бахш гъапӀнийи.

Паччагьлугъар-2 23:2

РАББИЙИН рюгьну узлантина кӀура; Дугъан гаф йиз мелзниин ализ.

Ляхнар 3:13

Му Аллагьди гъапӀуб ву: Ибрагьимдин, Исакьдин ва Якьубдин Аллагьди, ихь абйирин Аллагьди Чан Гъараваш Иса адлу гъапӀну. Хъа учву Думу йикӀуз гъитунчва ва, Пилатдиз Думу азад апӀуз ккун гъабшиган, Думу нигь гъапӀунчва.

Югьан 3:27

– Адмийихьан анжагъ чаз аьршариан улупубтӀан апӀуз даршул, – пну, жаваб тувру Ягьʼяйи. –

Марк 13:9

Ихтиятди гъузай, гьаз гъапиш мажлисариъ жазйир гьадатӀидичвуз, мистариъ урччвидичву; Узкан шагьидвал апӀбан бадали, Узлантина паччгьарин ва гьякимдрарин улихьна гъахидичву.

Матта 10:17

Адмийирихьан ихтият апӀинай, фицики дурари учву судариз гъахиди ва чпин мистариъ урччвиди.

Ляхнар 7:55

Гирами Рюгьнахъди ацӀнайи Стефан завузди лигуру, ва дугъаз Аллагьдин гьяйбатна Дугъан арччулну хилихъ дийигънайи Иса рякъюру.

Ляхнар 6:15

Суддиъ деънайидари Стефандин машналан ул алдабгъурадайи, фицики дурариз дугъан маш малайикдин машси рябкъюрайи.

Марк 13:12

Чвуччву чве йикӀуз масу тувди, хъа адашди – бай. Веледари, абйир-бабариз къаршу удучӀвну, дурар йихиди.

Лука 21:12

Вари гьамрар хьайиз, учву дисбан бадали, ичв кьяляхъ хъергди. Узу себеб духьну, мажлисариъ ичв диван апӀиди, учву дустгъариъ итди, паччгьаринна гьюкумдрарин улихь учвухь жаваб тувуз гъитди.