Марк 12:6 - Гирами Китаб

⁶ Эйсийиз хъайина-хътру сар бай ади шулу. Ва аьхиримжи ражари дурарихьна «Йиз балхьан нач апӀурда» пну, гьадму гьаъру.

Марк 12:6 Referans Kwoze

Югьан 1:34

Магьа узу адмийирин улихь шагьидвал апӀураза: Ари Гьадму ву Аллагьдин Бай».

Матта 3:17

Ва завʼан дих шулу: «Му Йиз масан Бай вуйиз, Узу Дугъʼин гизаф рази вуза!»

Югьандин-1 4:9

Магьа фици Аллагьди Чан масанвал ухьухьна улупнуш: Дугъу Чан айина-адру сар Бай, Гьадгъулантина ухьуз гьаргандин уьмур хьпан бадали, гьаму дюнʼяйиз гьаъну.

Жугьдариз 1:6

Чан Сарпир, дюнʼяйиъ аъри, Аллагьди кӀура: „Гъит Аллагьдин вари малайикари Мугъаз икрам апӀри“.

Югьан 5:23

варидари, фици Адашдин гьюрмат уьбхюраш, гьаци Балинна гьюрмат уьбхбан бадали Дугъу вари суд апӀру гьюкум Балихьна тувна. Шли Балин гьюрмат уьбхюрадарш, гьадгъу Думу гьау Адашдинра гьюрмат уьбхюрадар.

Югьан 3:35

Адашдиз Чан Бай масанди ву ва гьаддиз варибдиин гьюкум Дугъан хилиз тувна.

Югьан 1:49

– Агъа! Уву Аллагьдин Бай вува – Израилин Паччагь! – гьевесниинди гъапи Нафанаили.

Югьан 1:18

Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Лука 9:35

Хъа дифрагъян сес шулу: – Му Йиз кадагънайи Бай вуйиз, Гьамгъахъ хъебехъай!

Лука 3:22

ва Аллагьдин Рюгь луф жюрейиинди Исайиина ис шулу, хъа завʼан дих шулу: – Уву Йиз масан Бай вува! Узу Увʼин гизаф рази вуза!

Марк 9:7

Гьадмуган диф арайиз гъюру ва диди дурар чан сирникк ккаъру, хъа дифрагъян сес шулу: «Му Йиз масан Бай вуйиз. Гьамгъахъ хъебехъай!»

Марк 1:11

завʼан дих шулу: «Уву Йиз масан Бай вува, Узу Увʼин гизаф рази вуза!»

Матта 26:63

Исайи чӀалкьан гъапундайи. Маллйирин аьхюри гъудужвну Исайиз кӀуру: – Узу Аллагьдин улихь Увкан дишди пуб тӀалаб апӀураза: Аллагьдин Бай Месигь Уву вуна?

Матта 17:5

Дугъу гьамци кӀури имиди, завʼан дурариина аку диф ис шулу, ва сабпну дифрагъян гьамциб сес гъюру: «Му Йиз масан Бай вуйиз. Узу Мугъʼин гизаф рази вуза! Гьамгъахъ хъебехъай!»

Матта 11:27

Йиз Адашди Узуз вари тувну. Адашдилан гъайри, Бай фуж вуш, саризра аьгъдар, ва БализтӀан гъайри, Адаш саризра аьгъдар. Хъа Бали шлиз ачмиш гъапӀиш, гьадгъаз Адаш аьгъю хьиди.

Матта 1:23

«Магьа, шурак БицӀир киршди, Бай апӀиди ва Дугъʼин Эммануил, яна „Ухьухъди Аллагь хъа“, кӀуру ччвур иливиди».

Эвел 37:3

Израилиз (Якьубдиз) чан баяригъ варитӀан ккунир Юсуф вуйи, фицики Юсуф чан адаш кьаби гъашиган бабкан гъахьир вуйи. Гьаддиз Юсуфдиз багьади дабалгнайи ккурттра гъибирхнийи.

Эвел 22:12

– Дугъʼин хил мииливан, – кӀуру малайикди, – Исакьдиз фукӀара мапӀан! Гьамус Узуз аьгъязуз увуз Заанурихьан гучӀруб: уву Узуз, яв хъайина-хъадру сар бай тувуз гьяйиф гъапӀундарва!

Эвел 22:2

Заанури гьамци кӀуру: – Яв хъайина-хътру, Узу увуз гаф тувну гъахьи, яв ккуни вуйи сар бай Исакь хъади Мориа жилиина гъарах. Душваъ Узу увуз улупру дагъдиин думу, дубккну ургру гъурбан вуди, цӀигъ ург.

Эвел 44:20

Учу гьамци жаваб тувнийча: «Учуз яш дубхьнайи адаш ва чан кьабишнаккди бабкан гъахьи бицӀи гъардаш ачуз. Дугъан гъахи чве гъакӀну, чан дадайин баярикан имбур гьадму сар ву, гьаддиз адашдиз думу гизаф ккунду».

Марк 12:5

Сарсана гьаъру – му йивну, йикӀуру. Хъана гизаф жарадарра гьаъру – садар урччвуйи, тмундар йивну гъядауйи.

Марк 12:7

Хъа тӀумутӀчйири чиб-чпин арайиъ гьамци кӀуру: «Му эйсийин ирсчи ву. Гъачай, думу йивну йикӀухьа, ва ирс ухьуз гъубзди!»

Югьандин-3 1:1

Яшлу аьхюрихьан – узуз гьякьвалиъди ккун гъахьи, йиз багьа вуйи дуст Гайдиз.