Марк 12:14 - Гирами Китаб

¹⁴ Дурари дуфну кӀуру: – Мялим, учуз аьгъячуз Уву гьякь кӀурайиб, гьич сарихьанра гучӀдарвуз, гьич саризра гучӀар ккаурдарва, хъа дишди ва ачухъди Аллагьди кӀурайиси яшамиш хьуз аьгъювалар улупурава. Йип гьеле, Рим паччагьдиз налук туврувал дюз вуйин, дарш дарин? Учу налук туврин, дарш тувурдарин?

Марк 12:14 Referans Kwoze

Фессалоник-1 2:4

Аллагьди, учу лайикь вуди гьисаб дапӀну, Чан Ужувлан хабар ич хилиъ ивнийи. Учу гьаци, адмийириз ккун ишри, кӀури гъапӀундарча, ваъ, хъа – ихь юкӀвар ахтармиш апӀру сар Аллагь бадали.

Галат 2:6

Хъа хъугънайидарин кӀулиъ айидар, фужар вуш ва фужар вуди гъахьнуш, саб вузуз – Аллагьдин улихь вари адмийир саб ву. Дурари узкан йиз Хабарналан артухъ вуйиб фукӀара тӀалаб гъапӀундайи.

Галат 1:10

Узуз гьапӀуз ккунди а: адмийири йиз тереф бисуз гъитуз, даршиш – Аллагьди? Хъа узу, адмийириз ккуниб апӀуз хъюгънайир вуйинхъа? Эгер узу адмийириз ккуниб апӀурайир вуйиш, узу Месигьдин лукӀ хьидайза.

Коринф-2 5:16

Гьаци вуйиган, сарун учу адмийин фагьмиинди саризра лигури имдарча. Мугагьназ Месигьдиз гьаци лигуйча, сарун – ваъ.

Коринф-2 5:11

Гьаддиз лигну, Агъайихьан гучӀурачуз ва думу гучӀ жарадаризра улупурача. Учу фужар вуш Аллагьдиз ужуйи аьгъя. Ичв намусназра учу фужар вуш, гьаци ужуйи аьгъя, кӀури, хиял вуйиз.

Коринф-2 2:17

Учу, гизафдарси, хайир бадали, Аллагьдин Гафнак камк кипрадарча. Месигьдихъди саб гъахьихъанмина, учу, Аллагьди гьаънайидари, Аллагьдин улихь марцци кӀваан, ктибтурача.

Коринф-2 2:2

Эгер узу учву пашман гъапӀиш, узлан пашман гъахьири узу шад дарапӀди, сарун шли апӀиди?

Югьан 7:18

Шли чан-чахьан кӀураш, гьацири чаз хусуси ад гъазанмиш апӀура. Хъа шли чав гьауриз ад гъазанмиш апӀураш, гьацири дугъриди кӀура, ва дугъан кӀваъ кучӀал адар.

Рим агьларихьна вуйи кагъаз 13:6

Гьаци вуйивализ дилигну, учву налогарра тувай; гьюкумдрари, Аллагьдин гъуллугъчйири, чпин вари вахт гьюкум гъабхбиинди гьапӀра.

Лука 23:2

ва Дугъак гьамцдар тахсрар кирчуз хъюгъю: – Мугъу, Чаз Месигь, паччагь кӀури, халкь рякъʼан адаура, Римдин паччагьдиз налук тувуб дюз дар кӀури, гьисаб апӀура.

Лука 20:22

Учуз йип: Учу Римдин паччагьдиз налук тувуз хай шулин, дарш шулдарин?

Марк 14:45

Ягьуда диш дапӀну Исайихьинди гъюру. – Мялим! – кӀуру дугъу, ва Исайиз мак апӀуру.

Матта 22:17

Гьаци вуйиган, учуз йип: Римдин паччагьдиз учу налук тувуз хай шулин, даш шулдарин?

Коринф-2 4:1

Му гъуллугъ учуз Аллагьди Чан ужувлиинди тувнайиб ву ва юкӀв дар гъабхьундарич.

Матта 22:16

ва Дугъахьна, Гьироддин терефкрарра хъади, чпин ученикар гьаъру. Дурари Исайиз кӀуру: – Я Мялим! Учуз Уву гьякьлу кас вуйивал ва инсанар Аллагьдин дугъри рякъюъ тӀаърайивал аьгъячуз. Уву инсандин машназ, яна гъуллугъназ лигурдарва.

Марк 12:13

Хъасин Исайихьна, Дугъу фукӀа дюз даруб кӀайиз ккеъбан бадали, сакьюдар фарисйирна Гьироддин терефкрар гьаъру.

Марк 12:15

Дурарин чӀуру ниятарин гъаври айи Исайи кӀуру: – Гьаз Узу ахтармиш апӀурачва? Аьбкъинай Узухьна манат, лигуза дидиз.