Марк 12:12 - Гирами Китаб

¹² Жугьдарин аьхюдариз му тахалус чпиз къаршуди дупнайиваликан аьгъю шулу ва Иса дисуз ккун шулу, аммаки халкьдихьан гучӀуйи. Гьаддиз дурар, Думу гъитну, гъягъюру.

Марк 12:12 Referans Kwoze

Марк 11:18

Аьхюдаризна къанунчйириз гьамци кӀури гъеебхьиган, Думу йикӀуз, дурар саб чара абгуз хъюгъю. Дугъхьан дурариз гучӀуйи, гьаз гъапиш вари халкь Дугъан аьгъюваларихъ аьхю иштагьниинди хъпехъуйи.

Югьан 7:44

Дурарикан бязидариз Иса дисуз ккун гъабхьнийи, аммаки сарира Дугъʼина хил за гъапӀундайи.

Югьан 7:30

Гьадмуган дурариз Думу дисуз ккун шулу, амма сарира Дугъак кучундар, гьаз гъапиш Дугъан сяаьт дуфнадайи.

Югьан 7:25

Ерусалимдиан вуйи бязи агьлари кӀуйи: – Му ихь гьякимари йикӀуз ккайи Адми даринхъа?

Марк 11:32

Хъа адмийирихьан гъапиш…» Дурариз халкьдихьан гучӀуйи, гьаз гъапиш варидари Ягьʼя дугъриданра пайгъамбар ву кӀурайи.

Матта 22:22

Му гафар гъеерхьиган, дурар мюгьтал шулу ва Дугъхьан гьудучӀвну гъягъюру.

Лука 20:19

Жугьдарин аьхюну маллйирна аьлимар Исайи ктибту тахалус чпикан вуйибдин гъаври ахъру. Дурари гьадмуган, Иса йикӀбан бадали, саб багьна абгури гъахьну, хъа халкьдихьан гучӀуйи.

Лука 20:6

Хъа эгер «инсанарихьан» гъапиш, гьадмуган вари халкьди ухьʼина гъван уьлюбхиди, гьаз гъапиш халкь, Ягьʼя пайгъамбар ву кӀури, хъугъна.

Матта 21:26

хъа «инсанарин терефнаан» пуз ухьуз халкьдихьан гучӀ а, гьаз гъапиш халкьди, Ягьʼя пайгъамбар ву кӀури, гьисаб апӀура.