Марк 11:23 - Гирами Китаб

²³ Гьякь кӀуразачвуз: эгер шли гьаму дагъдиз «Яв йишвʼлан улдубчӀвну, гьюлиъ убс!» гъапиш ва, кӀваъ шаклу даршиди, хъугъиш, гьадмура тамам хьибди.

Марк 11:23 Referans Kwoze

Матта 17:20

Исайи дурариз гъапи: – Учву дериндиан хъугъну адрувалиан, фицики дюзди кӀуразачвуз: эгер учвуъ саб бицӀи дилсибкьан хъугъувал ади гъабхьиш, учву гьатму дагъдиз: «Гьамлин гьатинди гьудубчӀв», гъапиш, думу тинди гьудубчӀвур, ва учвʼан удудукьруб фукӀа хьибдар. [

Югьан 15:7

Хъа эгер Узу учвуъ ва Йиз гафар учвуъ аш, учвуз фу ккундуш, гьадму тӀалаб апӀинай, учвуз вари тувди!

Матта 21:21

Исайи дурариз жаваб вуди гъапи: – Гьякь кӀуразачвуз, эгер учвуз хъугъувал аш ва учву шаклу даршиш, му инжирин гьарин кӀулʼина гъафиб гъубзри, учву гьатму дагъдиз: «Яв йишвʼлан улдубчӀвну, гьюлиъ убс», гъапиш, гьадмура тамам хьибди.

Югьан 14:13

Йиз ччвур дибисну учву ккун гъапӀуб вари Узу тамам апӀидиза, ва Адашди Чан ад Чан Балʼантина улупиди.

Лука 17:6

Агъайи дурариз кӀуру: – Эгер учвуъ бицӀи дилсибкьан хъугъувал аш ва учву инжирин гьариз: «КудубчӀвну гьюлиъ убс» гъапнийиш, думу учвухъ хъпехъидийи.

Коринф-1 13:2

Узуз пайгъабарвалин багъиш ади, дюнʼяйин вари сир аьгъяди, узуз вари аьгъювалар тувнади, узуъ дагъларра кмиди чпин алишвлан улдучӀвуз гъитру хъугъувал ади, хъа масанвал адарди вуш, узу фукӀа дару ичӀичӀай вуза.

Матта 14:13

Му хабар гъеебхьу Иса, люткейиъ эъну, фужкӀа адру саб халват йишваз хъапӀну, гъягъюру, хъа мидкан хабар дубхьну, адмийир, чпин шагьрар гъитну, Дугъан кьяляхъди ликри гъягъюз хъюгъю.