Марк 11:18 - Гирами Китаб

¹⁸ Аьхюдаризна къанунчйириз гьамци кӀури гъеебхьиган, Думу йикӀуз, дурар саб чара абгуз хъюгъю. Дугъхьан дурариз гучӀуйи, гьаз гъапиш вари халкь Дугъан аьгъюваларихъ аьхю иштагьниинди хъпехъуйи.

Марк 11:18 Referans Kwoze

Матта 7:28

Исайи, вари гьаму гафар дупну, ккудубкӀган, мушвахь хьайикьан халкь Дугъан улупбариин мюгьтал гъахьну,

Марк 12:12

Жугьдарин аьхюдариз му тахалус чпиз къаршуди дупнайиваликан аьгъю шулу ва Иса дисуз ккун шулу, аммаки халкьдихьан гучӀуйи. Гьаддиз дурар, Думу гъитну, гъягъюру.

Ляхнар 24:25

Хъа Павел гьякьваликан, сабурлуваликан ва аьхирзамандихъан шлу дивандикан улхуз хъюгъиган, Феликсдиз гучӀ шулу ва кӀуру: «Гьелелиг гъарах. Хъа вахт гъабшиган, дих апӀидизавуз».

Югьан 7:46

– Гьадму Касдиси мегьел гьич сарира саб вахтнара кӀури гъахьундар! – жаваб тувнийи гъаравлари.

Лука 20:19

Жугьдарин аьхюну маллйирна аьлимар Исайи ктибту тахалус чпикан вуйибдин гъаври ахъру. Дурари гьадмуган, Иса йикӀбан бадали, саб багьна абгури гъахьну, хъа халкьдихьан гучӀуйи.

Лука 19:47

Хъа гьаддихъантина Исайи Аллагьдин хулаъ гьар йигъан аьгъювалар улупури гъахьну. Жугьдарин аьхюну маллйирина, аьлимарина халкьдин улихь хьайидари Думу йикӀуз чара абгури шулу.

Лука 4:22

Исайин улихь варидари гьаци вуйивал улупу ва, Дугъан мелзналан гъюрайи кабалгру гафариин мюгьтал шули, дурари гьерхри гъахьну: – Му ихь Юсуфдин бай даринхъа?

Марк 11:32

Хъа адмийирихьан гъапиш…» Дурариз халкьдихьан гучӀуйи, гьаз гъапиш варидари Ягьʼя дугъриданра пайгъамбар ву кӀурайи.

Марк 6:20

гьаз гъапиш Ягьʼяйихьан Гьироддиз гучӀуйи, фицики дугъаз думу гьякьлу ва гирами кас вуйивал аьгъяйи ва, гьаддиз, думу уьрхюрайи. Гьирод Ягьʼяйин аьгъювалар улупбахъ, саспиган дурарикан учв инжик шулушра, иштагьниинди хъпехъуйи.

Марк 3:6

Хъа фарисйири, удучӀвну, гьадму сяаьт Гьироддин терефкрарихъди, Иса фици пуч апӀуруш, йикьрар йитӀуру.

Марк 1:22

Дурар Дугъан улупбариин мюгьтал духьнайи, фицики Исайи къанунчийириси ваъ, хъа гьюкум хлиъ айириси улупуйи.

Матта 21:15

Дугъу апӀурайи аьламатнан ляхнар ва, «Давудгъярин Бализ тяриф!» кӀури, чӀигъар апӀурайи баяр-шубар дяркъну, аьхюну маллйир, къанунчйир хъюлу ацӀру.

Паччагьлугъар-3 22:18

Израилин паччагьди Югьушафатдиз гъапнийи: – Узу увуз гъапундайинхъа, дугъу узкан шлубдин гьякьнаан вахт ккимиди фукӀа ужуб кӀурдар, анжагъ харжибтӀан?

Паччагьлугъар-3 22:8

Израилин паччагьди Югьушафатдиз жаваб тувнийи: – Ухьхьан чаллантина РАББИЙИХЬАН гьерхуз шлу сарсана инсан а. Хъа узуз думу дяркънукьан ккундарзуз, гьаз гъапиш дугъу, узкан шлуб улихь ккимиди кӀуруган, гьеле саб вахтнара ужуб гъапундарзуз, анжагъ харжибтӀан. Думу Имлайин бай Михей ву. – Паччагь, уву дици макӀан, – гъапнийи Югьушафатди.

Паччагьлугъар-3 21:20

Ахавди Илʼяс пайгъамбриз гъапнийи: – Гьаци, увуз узу гъидихъунвуз, йиз душман! – Гъидихъунзуз, – жаваб тувнийи дугъу, – гьаз гъапиш уву РАББИЙИН уларикк писвал апӀуз кьаст гъапӀунва.

Лука 2:47

Исайихъ хъпехъурайидар вари Дугъан фагьумлувалиин ва Дугъан жавабариин мюгьтал духьнайи.

Югьан 7:1

Дидхъантина Иса Галилей уьлкейиъ лицури гъахьну, гьаз гъапиш Дугъаз Ягьудия уьлкейиз гъягъюз ккунди адайи, фицики душваъ Думу жугьдарикан бязидариз йикӀуз ккунди айи.

Югьан 7:19

Учвуз Къанун Мусайи тувну, гьаци даринхъа? Гьаци вушра, учвкан сарира Къанун тамам апӀурадар. Узу фтин бадали йикӀуз ккундучвуз?