Марк 11:13 - Гирами Китаб

¹³ Ярхлаъ инжирин гьар гъябкъю Думу, дидигъ йимишар гъяш лигуз кӀури, багахьна гъягъюру, амма Дугъаз, гьаригъ фукӀара гъибихъундайи, фицики инжирар хъуркьру вахт улубкьнадайи.

Марк 11:13 Referans Kwoze

Матта 21:19

Ва, рякъюн гъвалахъ инжирин гьар дябкъну, Думу дидин багахьна гъушу, амма кӀажарилан гъайри, дидигъ фукӀа гъибихъундайи. Исайи, му гьариз сарун асуллагь бегьер дарибхрива, пну, амур гъапӀнийи. Инжирин гьар сабпну гъеебццнийи.

Лука 10:31

Чан ляхин ади, гьадму рякъюъди сар малла гъягъюри гъахьну ва, гьадму кас гъяркънушра, гьудучӀвну гъушну.

Паччагьлугъар-1 6:9

Дидихъ ул хъипай: эгер думу Бет-Шемеш шагьриз рякъюъди, чан уьлкейиз, гъубшиш, гьаци кӀуруб вуки, ухьʼинна бедбахтвал гъабхир РАББИ ву. Эгер дици дархьиш, ухьуз аьгъю хьибдихьузки, ухьуз жаза тувур Думу дар, хъа думу гьаци алабхъувал гъабхьну.

Рутдикан китаб 2:3

Думу гъушу ва иган убгрударин кьяляхъди кӀулар дюхюз хъюгъю. Гьаци гъабхьнуки, му хутӀил Элималикдин багахьлу Вуаздинуб вуйи.

Марк 11:12

Хъайигъан, дурар Вифанияйиан удучӀвган, Исайиз гаш хьувал гьибгъру.

Марк 11:14

Гьадмуган Дугъу гьариз кӀуру: – Сану гьич сарира сабанра яв йимишар диритӀри! Мици кӀури ученикаризра гъеебхьнийи.