Марк 10:43 - Гирами Китаб

⁴³ Хъа ичв арайиъ дици дарибшри: шлиз ичв арайиъ кӀулинур хьуз ккундуш, гъит думу ичв гъайгъушнаъ ишри,

Марк 10:43 Referans Kwoze

Лука 14:11

Фицики, шли чав учв за апӀури гъашиш, гьадму асккан хьиди, хъа учв аскканди дисрур заан хьиди.

Марк 9:35

Иса деъру, Чахьна ЙицӀикьюриддизра дих дапӀну кӀуру: – Шлиз учв сарпирди духьну ккундуш, гъит думу варитӀан аьхиримжир ишри ва варидарин лукӀ ишри.

Лука 9:48

ва ученикариз Дугъу гьамци кӀуру: – Шли му бицӀир Йиз ччвурнахъ кьабул гъапӀиш, гьадгъу Узу кьабул апӀура. Хъа шли Узу кьабул гъапӀиш, гьадгъу Узу Гьаур кьабул апӀура, фицики учвкан вартӀан цӀиб вуйир фуж вуш, гьадму зурба ву.

Рим агьларихьна вуйи кагъаз 12:2

Гъит, му дюнʼяйин гьюкмари учвʼин агъавал дарапӀри. Аллагьдин ужуб, рази ктаъру ва гьубкӀу ният фу вуш, аьгъю хьпан бадали, ичв фагьум цӀийи алапӀури, дигиш йихьай.

Галат 5:13

Учвуз Аллагьди азадди яшамиш хьуз дих дапӀна, гъардшар. Аммаки, лигайгьа, ичв азадвал, ичв жандиз ккуниб апӀури хъаъру гунгьариз ишлетмиш апӀуз мигъитанай! Хъа учву чиб-чпин гъайгъушнаъ, масанди йихьай.

Югьан 18:36

– Йиз Паччагьлувал му дюнʼяйиан дар. Эгер Йиз Паччагьлувал гьаму дюнʼяйиан вуйиш, Йиз гъуллугъчйири, Узу жугьдарин хилиъ адрахъбан бадали, чпихьан шлуб апӀидийи. Ваъ, Йиз Паччагьлувал мушвʼан дариз, – гъапи Исайи.

Лука 18:14

КӀуразачвуз, думу чан хулаз фарисейтӀан артухъди марцц духьну гъушну, фицики чав учв заан апӀурайи гьарсар кас асккан апӀиди ва чав учв аскканди дисурайир заан хьиди.

Марк 10:42

Хъа Исайи дурариз Чахьна дих дапӀну кӀуру: – Халкьарин гьякимарди гьисаб апӀурайидари халкьарин зиин агъавал апӀурайивал ва аьхюдари дурарин зиин чпин гьюкум улупурайивал учвуз аьгъячвуз.

Марк 10:44

ва шлиз ичв арайиъ сарпир хьуз ккундуш, дицирикан варидарин лукӀ ишри.

Лука 22:26

Учву дицдар дарчва: учвкан фуж аьхюр вуш, варитӀан бицӀи гъуллугъчиси йихь ва, гьюкумдарвал апӀрур гъаравашси йихь.