Марк 10:40 - Гирами Китаб

⁴⁰ хъа Йиз арччулну ва гагулну терефарихъинди дитувал Узлан асиллу дар: думу йишвар, Йиз Адашди шлиз улупнаш, гьадрариндар ву.

Марк 10:40 Referans Kwoze

Матта 25:34

Гьадмуган Паччагьди Чан арччул терефнаъ айидариз пиди: – Гъачай йиз адашдин ужувлакк ккахьнайидар, дюнʼя ккебгъхъанмина учвуз гьязурди дебккнайи Аьршарин Паччагьлугъ ирсди кьабул апӀинай.

Матта 20:23

Исайи дурариз гъапи: – Дугъриданна, Узу кьабул апӀуз ккайи аьзабар учвура аьх апӀарчва, хъа Йиз арччулна гагул терефарихъинди дитувал Узлан асиллу дар: думу йишвар, Йиз Адашди шлиз улупнаш, гьадрариндар ву.

Жугьдариз 11:16

Хъа, дугъридан, дурар ужубтӀан-ужуб ватандихъ хъчӀарккурайидар вуйи – аьршаринубдихъ. Гьаддиз Аллагьдиз, Узу дурарин Аллагь вуза, пуз начди дар, фицики Дугъу дурариз шагьур гьязур дапӀна.

Югьан 17:24

Я Адаш! Узуз ккундузуз, Уву Узуз тувдар Узу шлушваъ Узухъди духьну. Гъит дурариз Уву Узуз туву Йиз ад рябкъри. Фицики дюнʼя арайиз хайиз Уву Узу ккун гъапӀунва.

Югьан 17:2

Вари яшамиш шлубдин зиин Уву Дугъаз гьюкум тувунва. Уву Дугъахьна гьаъдариз гьаци Гьадгъура гьаргандин уьмур тувди.

Матта 13:11

Дугъу дурариз жаваб вуди кӀуру: – Гьаз гъапиш учвуз Аьршарин Паччагьлугъдин сирар аьгъю хьуб тувначвуз, хъа имбудариз тувнадар.

Ляхнар 1:7

Исайи дурариз жаваб тувру: – Адашди Чан гьюкмиъ тӀаънайи вахтарна муддатар аьгъю хьувал ичв ляхин дар.