Марк 10:33 - Гирами Китаб

³³ – Магьа ухьу Ерусалимдиз гъягъюрахьа. Инсаниятдин Бай аьхю маллйиринна къанунчйирин хилиз тувди. Думу, карсну йикӀуз жаза адабтӀну, жугьуд дарударин хилиз тувди.

Марк 10:33 Referans Kwoze

Матта 27:2

Дугъан хилар-ликар йитӀуз гъитну, Думу духну, Римди Ягьудияйиъ гьюкумдар вуди дерккнайи Понтий Пилатдин хилиз тувру.

Марк 8:31

Хъа Дугъу дурариз, Инсаниятдин Балʼин гизаф аьзабар улукьиди, аьхюдари, маллйири ва къанунчйири Думу нигь апӀиди ва йикӀиди, хъа шубуд йигълан накьвдиан, чӀиви духьну, удучӀвиди, кӀури, аьгъювалар улупуйи.

Матта 26:66

Учву фици фикир апӀурачва? Дурарира жаваб вуди гъапи: – Думу тахсиркар ву ва аьжализ лайикь ву.

Матта 16:21

Гьадму вахтналан хъюгъну, Исайи ученикариз Учв Ерусалимдиз душну ккуниваликан, душваъ аьхюдари, аьхюну маллйири, къанунчйири Учв гизаф аьзабарикк ккитруваликан ва Учв йивну йикӀруваликан, шубудпи йигъан чӀиви шлуваликан ктибтуз хъюгънийи.

Якьубдин 5:6

Учву тахсир ктрудар тахсиркрар апӀуйчва ва йивну йихуйчва, хъа дурар учвуз гъаршу гъудужвдайи.

Ляхнар 20:22

Хъа гьамус, Гирами Рюгьнан амриз мютӀюгъ шули, узу Ерусалимдиз душну ккунду. Хъа душваъ йиз кӀулʼина фу гъюрушра, аьгъдарзуз.

Ляхнар 13:27

Ерусалимдин агьалйири ва дурарин аьхюдари, Иса уьрхювал Туврур вушул пну, кьабул гъапӀундайи ва Думу жазайикк ккитнийи. Гьамци дурари пайгъамбрари гьар султ йигъан кӀурайи гафар тамам гъапӀнийи.

Югьан 19:11

Исайи жаваб туву: – Йиз зиин яв гьич саб гьюкумра даршлийи, эгер увуз думу зиълан тувнадайиш. Ва гьаддиз Узу яв хилиз масу тувурин гунагь хъана зурбабуб ву.

Югьан 18:28

Гьирин ухди Иса, Каяфайин хулʼан адаъну, Римдин гьюкумдарин дараматариз хуру. Жугьдар, чпи чиркин духьну, Пасхайин машквар апӀуз хьибдар кӀури, дараматдиъ учӀвундайи.

Лука 23:21

хъа дурари: «Хачрак карс, хачрак карс Думу!» – кӀури, чӀигъар апӀуйи.

Лука 9:22

хъа давам апӀуру: – Инсаниятдин Балʼин гизаф аьзабар улукьиди, аьхюдари, маллйири ва къанунчйири Думу нигь апӀиди ва йикӀиди, хъа шубудпи йигъан чӀиви хьиди.

Марк 15:1

ГвачӀнин ухди аьхю маллйир, агъсакълар, къанунчйир ва вари заан диванханайин членар мажлисдиз уч шулу ва къарар адабгъуру. Иса, хилар йитӀну, духну, Пилатдин хилиз тувру.

Марк 14:64

Аллагьдикан рихшанд апӀури учвузра гъеебхьунчвуз! Ичв къарар фициб хьибди? – Тахсиркар ву, ва аьжал адабтӀну ккунду, – кӀуйи варидари.

Марк 9:31

гьаз гъапиш Дугъаз Чан ученикариз аьгъювалар улупуз ккундийи. Дугъу дурариз гъапнийи: – Инсаниятдин Бай багарихьди инсанарин хилиз тувди ва йикӀиди. Думу йикӀиди, амма шубуд йигълан чӀиви хьиди.

Марк 9:12

Исайи дурариз жаваб тувру: – Ав, дугъридан, Илʼясди, улихьмиди дуфну, вари ккабалгну ккунду. Хъа Гирами китабариъ Инсаниятдин Балкан Дугъʼин гизаф аьзабар улуркьиди ва Думу ужуз апӀиди кӀури, гьаз дибикӀна?

Югьан 18:32

Гьамци гъабхьнийи, гьаз гъапиш Исайи, Чав улихьмиди Учв фициб аьжалиинди йикӀуруш, гъапи гафар тамам духьну ккундийи.