Марк 10:32 - Гирами Китаб

³² Гьамус дурари Ерусалимдиз рякъ дибиснайи. Улихьди Иса гъягъюрайи. Исайихъди гъягъюрайи ученикарик гъалабулугъ кабхънийи, хъа дурарихъди хъайи имбудар гучӀбу ккагънайи. Исайи, ЙицӀикьюридра гъирагъдиз гьадаъну, Чаз фу шулуш, пуз хъюгъю:

Марк 10:32 Referans Kwoze

Лука 9:51

Иса жиларилан аьршариз гъадагъру йигъар багахь гъахьиган, Дугъаз Ерусалимдиз гъягъюз ккун шулу.

Югьан 11:16

«КӀвятӀях» кӀуру лакӀам хъайи Фомайи чан юлдшариз кӀуру: – Гъачай, Мялимдихъди сатӀиди ухьура йихурухьа!

Югьан 11:8

– Я Мялим! – кӀуру Дугъаз ученикари, – жугьдариз Увʼин гъван уьлюбхну, улихьнаси йикӀуз ккунди айи, хъа Уву хъана дина гъягъюрана?

Лука 10:23

Анжагъ ученикариз вуди, Исайи дурарихьинди илдицну кӀуру: – Учвуз рябкъюрайиб рябкъюрайи улар хушбахтаврар ву!

Марк 4:34

Тахалусариинди дарди Дугъу фукӀара кӀурдайи, хъа Учв Чан ученикарихъди гъузиган, дурариз вари ктибтуйи.

Матта 13:11

Дугъу дурариз жаваб вуди кӀуру: – Гьаз гъапиш учвуз Аьршарин Паччагьлугъдин сирар аьгъю хьуб тувначвуз, хъа имбудариз тувнадар.

Матта 11:25

Хъасин Исайи гъапи: «Адаш, заваринна жиларин Агъа! Аьяндрарихьанна аькьюллударихьан гьитӀибкӀнайиб бицӀи касариз ачухъ апӀбаз Увуз чухсагъул!

Марк 1:27

Вари русвагь шулу, сари-сарихьан гьерхуз хъюгъру: «Мурар гьапӀру цӀийи аьгъювалар ву? Мугъу жинаризра кмиди амур апӀураки, хъа дурар Мугъаз мютӀюгъ шулира а».

Лука 19:28

Гьамци дупну, рякъ давам апӀури, Иса Ерусалимдиз багахь шулайи.