Марк 10:24 - Гирами Китаб

²⁴ Дугъан гафариин ученикар аьжайиб духьнайи, хъа Исайи дурариз хъана гъапи: – Йиз веледар, фукьан читин дарин Аллагьдин Паччагьлугъдиъ учӀвуз!

Марк 10:24 Referans Kwoze

Насигьятар 11:28

Чан девлетнахъ йирфар хъирчнайир – ахъди, хъа гьякьлудар чру шулайи гьарси хьиди.

Ачмиш 3:17

Уву: „узу девлетлу вуза, узу девлетлу гъахьунза, узуз сарун фукӀара ккимбуб имдариз“ – кӀураш, увуз, уву фукьан бахтсуз, аьжуз, касиб, кур ва гъяцӀал вуш, аьгъдарвуз.

Тимофейиз-1 6:17

Гьаму дюнʼяйиин девлетлу вуйидариз йип: фурсар дарапӀри ва чпин девлетарихъ йирфар хътричри – думу мюгькам вуйиб дар. Уьмрикан кьукь ктабгъури яшамиш хьуз вари лазим вуйиб артухъра кади тувру Аллагьдихъ йирфар хъирчиш, хъа ужу ву.

Лука 16:14

Пул ккуни фарисйир, гьаму гафарихъ хъпехъури, Исайиин аьлхъюри гъаши.

Насигьятар 18:11

Девлетлуйиз девлет гъаласи ву, дугъаз думу учв уьрхру ижми цалси гьибгъру.

Югьандин-1 2:1

Йиз веледар, узу му, учву гунагь дарапӀбан бадали, бикӀураза. Хъа эгер шли аьгъдарди гунагь гъапӀишра, Адашдин улихь ухьхъан гаф Йиврур хьа. Думу – Иса Месигь, дугъри Кас ву.

Югьан 13:33

Эй Йиз лижан веледар! Узуз учвухъди хьуз дицикьан вахт имдар. Учву Узу агури хьидичва – му жарадариз гъапиб Узу учвузра кӀураза: «Узу гъярушваз учвхьан гъюз хьибдар».

Насигьятар 23:5

чав рябкъяйиз, думу гъубшну: люкьран хлинццар диди чак кивну, завариз думу гъитӀибху.

Югьандин-1 5:21

Йиз веледар, идоларихьан ярхла йихьай.

Югьандин-1 4:4

Йиз веледар, учву Аллагьдиндар вучва, кучӀлин пайгъамбрариин гъалиб духьначва, гьаз гъапиш, учвуъ айи Аллагь му дюнʼяйин эйсивал апӀурайиртӀан кьудратлу ву.

Галат 4:19

Йиз ккуни веледар! Узу хъана уьзур-аьзиятниинди, учву тазатӀан бабкан шулайиси, Месигьдиз ухшар айидар шайизкьан, цӀийи алаидизачву!

Югьан 21:5

– Дустар, лисуз фукӀа-мукӀа гъибисунчва? – гьерхру дурарихьан Исайи. – Ваъ, – жаваб туву дурари.

Югьан 6:60

Дугъан ученикарикан гизафдари, му гафар гъеерхьиган, кӀури гъахьну: – Мурар фу аьжайиб гафар ву? Мурар шлихьан аннамиш апӀуз шул!

Матта 19:25

Му гафар деерхьну, мюгьтал гъаши ученикари Исайихьан гьерху: – Дици вуйиган, шилхьан учв уьрхюз хьиди?

Марк 1:27

Вари русвагь шулу, сари-сарихьан гьерхуз хъюгъру: «Мурар гьапӀру цӀийи аьгъювалар ву? Мугъу жинаризра кмиди амур апӀураки, хъа дурар Мугъаз мютӀюгъ шулира а».

Марк 10:23

Исайи, ул илбицну, ученикариз кӀуру: – Девлетлуйириз фукьан читин дарин Аллагьдин Паччагьлугъдиъ учӀвуз!