Марк 10:23 - Гирами Китаб

²³ Исайи, ул илбицну, ученикариз кӀуру: – Девлетлуйириз фукьан читин дарин Аллагьдин Паччагьлугъдиъ учӀвуз!

Марк 10:23 Referans Kwoze

Коринф-1 1:26

Гъардшар, Аллагьди учвуз дих апӀайиз учву фицдар вуйиш, учвуз лигай. Эгер адмийи гьисаб апӀурайиси гъадабгъиш, учвкан гизафдар фагьумлуйир, кьувватлуйир, бина машгьур касар вуйинхъа?

Якьубдин 2:5

Хъебехъай, йиз масан вуйи гъардшар! Аллагьди гьаму дюнʼяйин улихь касиб вуйидар кадагънадаринхъа, чпин хъугъувалиъ мюгькам ва, Учв ккунидариз гаф тувнайиси, Чан Паччагьлугъдин ирс рубкьрудар хьпан бадали?

Лука 18:24

Дугъан пашманвал гъябкъю Исайи кӀуру: – Девлетлуйириз фукьан читин дарин Аллагьдин Паччагьлугъдиъ учӀвуз!

Марк 3:5

Исайи хъял кади ул дурарилан илбицуру ва, дурарин инсафсуз юкӀвар вуйивалин хажалат зигури, гьадму адмийиз кӀуру: – Яв хил гьачӀабкк. Дугъу хил гьачӀабккуру, ва му хилра гьатмунубси сагъ шулу.

Петрин-2 1:11

Гьадмуган учвуз ихь Агъа ва Уьрхрур Иса Месигьдин гьаммишандиз вуйи Паччагьлугъдиъ учӀвуз ихтияр жумартлуди багъиш дапӀну хьибди, аьхир.

Якьубдин 4:4

Дюз дарудар, учвуз аьгъдарди айчвуз, гьаму файдасуз дюнʼяйихъди хьувал – Аллагьдихъди апӀурайи дяви вуйиваликан? Шлиз гьаму файда ктру дюнʼяйихъди дуст духьну ккундуш, думу Аллагьдиз душманди удучӀвура.

Югьан 3:5

Исайи дугъаз жаваб туву: – Гьякьлу вуйи гьякь кӀуразавуз: фуж штуан ва Гирами Рюгьнахьан цӀийикӀултӀан бабкан дархьиш, дицирихьан Аллагьдин Паччагьлугъдиъ учӀвуз хьибдар.

Марк 10:15

Гьякь кӀуразачвуз: шли Аллагьдин Паччагьлугъ бицӀириси кьабул дарапӀиш, думу душваъ учӀвидар.

Марк 5:32

Хъа Дугъу ул алдатбиинди Чак куркӀур агурайи.

Матта 18:3

кӀуру: – Гьякь кӀуразачвуз, учву ичв юкӀвар дигиш дапӀну, бицӀи баярси дархьиш, Аьршарин Паччагьлугъдиъ учӀвидарчва;

Марк 10:22

Хъа думу му гафарикан пашман шулу ва гьудучӀвну гъягъюру, гьаз гъапиш думу гизаф девлетлу вуйи.