Марк 1:5 - Гирами Китаб

⁵ Дугъахьна вари Ягьудия жиларилан ва Ерусалимдиан халкьар гъюйи, чпин гунгьариин швумал духьну, дурари чпин гунгьар гардандиъ дисуйи, ва дугъу дурар Ярдан нириъ штуан апӀуйи.

Марк 1:5 Referans Kwoze

Ляхнар 19:18

Хъугъувалиина гъафидарикан гизафдари, Павелихьна дуфну, чпи гъапӀу гунагь ляхнар ачухъ апӀуйи ва гардандиъ дисуйи.

Ляхнар 2:38

Петри дурариз кӀуруки: – Ичв гунгьар гардандиъ дидисну, уьмур дигиш апӀинай. Ва ичв гунгьарилан хил алдабгъбан бадали, гьарсар кас Месигь Исайин ччвурнахъан штуан йихьай: гьадмуган учвуз Гирами Рюгь пешкеш хьиди.

Югьан 3:23

Гьадму вахтна Ягьʼяра Салим кӀурушвахь хьайи Энондиъ адмийир штуан апӀури шулу, гьаз гъапиш душваъ шид гизаф айи ва дина штуан хьуз хайлин халкь гъюри гъахьну.

Югьан 1:28

Му вари Ягьʼяйи халкь штуан апӀури гъаши Ярдан нирин тмуну гъирагъдихъ хъайи Вифания кӀурушваъ гъабхьнийи.

Матта 4:25

Галилей уьлкейиан, ЙицӀубшагьриан, Ерусалимдиан, Ягьудияйиан ва Ярдандин аьтрафарихъан гъюри, гизаф халкь Дугъан кьяляхъди лицури гъахьну.

Насигьятар 28:13

ГьитӀибкӀарва яв гуннагь – ужубдиз миккилиган; кӀулʼина гъадабгъарва ва тина апӀарва – хил алдабгъиди увлан.

Марк 1:4

ИчӀи чюлиъ, адмийир штуан апӀури, гьар касди чан тахсрар гардандиъ дисбан, инсанар штуан апӀбан ва гьамци чпин гунгьарилан хил алдабгъбан бадали, аьгъювалар рагъури, Ягьʼя ачмиш шулу.

Марк 1:6

Ягьʼяйиин девейин хьайин палат алийи ва юкьвнаан гъидкьин яркьу чӀул идибтӀнайи. Дугъу елгнагарна чӀурдин йиччв ипӀуйи.

Югьан 5:35

Ягьʼя убгури акв туврайи чирагъсир вуйи, ва учву дугъан акв шадвалиинди цӀиб вахтназтӀан кьабул гъапӀундарчва.

Якьубдин 5:16

Гьаддиз чиб-чпин улихь жвувкан ктахьу гунгьар кӀулʼин дисай ва, Агъайи учву сагъ апӀбан бадали, чиб-чпихъанди ккарагай. Гьякь уьмур хъапӀрайирин ккарагбаъ гизаф кьувват а!