Марк 1:34 - Гирами Китаб

³⁴ Жюрбежюр уьзрари ккагънайи гизафдар сагъ гъапӀнийи ва гизафдариан жинар утӀурккнийи. Исайи жинариз Учв ашкар апӀуб гъадагъа гъапӀнийи, фицики дурариз, Думу фуж вуш, аьгъяйи.

Марк 1:34 Referans Kwoze

Лука 4:41

Гизафдариан жинарра удучӀвури гъахьну. Жинари: «Уву Аллагьдин Бай вува!» – кӀури, чӀигъар апӀуйи. Хъа Дугъу Учв Месигь вуйибдикан жарадариз пуб дурариз гъадагъа апӀури гъахьну, фицики дурариз, Думу Месигь вуйиб, аьгъяйи.

Марк 3:12

Хъа Дугъу ижмишнаан дурариз, Учв фуж вуш, ашкар апӀуб гъадагъа апӀуйи.

Матта 4:23

Исайи, вари Галилей уьлке вуйибси лицури, жугьдарин мистариъ аьгъювалар улупури, Аллагьдин Паччагьлугъдикан хабар туври, гьарсаб уьзрихьан халкь сагъ апӀури гъахьну.

Марк 1:25

Исайи жиндиз буйругъ тувру: – ХъючӀюбкь ва дугъʼан удубчӀв!

Матта 4:24

Дугъан ад вари Сирия вилаят вуйиси абхънийи, Исайихьна гьар жюрейин уьзрар кайидар хуз хъюгъру: жинар кайидар, гьарза шлудар, паралич кайидар, – ва Дугъу дурар сагъ апӀуйи.