Марк 1:27 - Гирами Китаб

²⁷ Вари русвагь шулу, сари-сарихьан гьерхуз хъюгъру: «Мурар гьапӀру цӀийи аьгъювалар ву? Мугъу жинаризра кмиди амур апӀураки, хъа дурар Мугъаз мютӀюгъ шулира а».

Марк 1:27 Referans Kwoze

Лука 9:1

Чан йицӀикьюр ученикдиз дих дапӀну, Исайи дурариз, вари жинарин зиин гьюкум ва уьзрар сагъ апӀбан бадали, кьувват тувру.

Марк 7:37

Адмийири, гизаф аьламат духьну, кӀуйи: – Мугъу вари ужу апӀуру. Мугъу гьеле кардариз ебхьузра гъитру, улхуз даршлудариз чӀалра улупуру!

Матта 15:31

Ва гьаддиз, чӀал дибиснайидар чӀалниина дуфну, сакьатлудар сагъ духьну, ликудар рягьятди лицури ва кур духьнайидарин уларихь акв гьибшну гъябкъган, халкь мюгьтал гъахьнийи ва Израилин Аллагьдин адар апӀуз хъюгънийи.

Матта 9:33

Жинар ктаубси, чӀал дибиснайир улхуз хъюгъю. Ва: «Израилиъ мициб ляхин саб вахтнара гъабхьиб дар!» – кӀури, халкь мюгьтал гъахьи.

Лука 4:36

Му гъябкъю вардари, русвагь духьну, чиб-чпиз гьамци кӀури гъахьну: – Мурар фу аьламатнан гафар ву: Дугъу, Чан гьюкмиинди ва кьувватниинди амур апӀури, жинар ктаурада!

Марк 10:32

Гьамус дурари Ерусалимдиз рякъ дибиснайи. Улихьди Иса гъягъюрайи. Исайихъди гъягъюрайи ученикарик гъалабулугъ кабхънийи, хъа дурарихъди хъайи имбудар гучӀбу ккагънайи. Исайи, ЙицӀикьюридра гъирагъдиз гьадаъну, Чаз фу шулуш, пуз хъюгъю:

Марк 10:24

Дугъан гафариин ученикар аьжайиб духьнайи, хъа Исайи дурариз хъана гъапи: – Йиз веледар, фукьан читин дарин Аллагьдин Паччагьлугъдиъ учӀвуз!

Матта 8:9

Фицики узура жарарин хликк ккайир вуза, ва узуз мютӀюгъ вуйи эскрарра азуз. Дурарикан сариз узу «гъарах» кӀурза – думу гъягъюру, тмунуриз «гъач» кӀурза – гъюру, йиз гъуллугъчийиз «гьамци апӀин» кӀурза, дугъу тамам апӀуру.

Марк 1:26

Гьадмуган жин, думу дутӀурччвну, чӀветӀ дапӀну, дугъʼан удубчӀвуру.

Марк 1:28

Мугъкан аваза вари Галилей уьлке вуйибси рабгъуру.

Марк 16:5

Накьвдиъ учӀвдариз, арччул терефнаъ лизи палтар алди деънайи жигьил рякъюру ва сабпну гучӀ шулу.

Марк 16:6

– ГучӀ мапӀанай! – кӀуру дугъу дарариз. – Дариз гъизигу Назаретдиан вуйи Иса учву агурачва. Думу чӀиви гъахьну, мушваъ имдар. Магьа Думу дитну гъахьи йишвра.

Ляхнар 17:19

Дурари Павел Ареопаг тепейиин уч шлу мажлисназ духну, дугъхьан гьерхру: – Уву рагъурайи гьадму аьгъювалар фу вуш, учуз аьгъю апӀуз хай даршулин?