Марк 1:16 - Гирами Китаб

¹⁶ Иса Галилей гьюлхъантина гъягъюрайиган, Дугъаз гьюликк чулар ккирчрайи Симон ва дугъан чве Андрей рякъюру. Дурар балугъчйир вуйи.

Марк 1:16 Referans Kwoze

Югьан 6:8

Исайин жара ученик Петрин чве Андрейи кӀуру:

Лука 6:14

Дурар: Петр кӀуру лакӀам хъайи Симонна дугъан чве Андрей, Якьубна Югьанна, Филипна Варфоломей,

Ляхнар 1:13

Чпи дергнайишваз дуфну, дурар заан хулаз удучӀвуру. Душваъ Петр, Югьан, Якьубна Андрей, Филипна Фома, Варфолемейна Матта, Алфейин бай Якьуб, Женгчи кӀуру лакӀам хъайи Симон ва Якьубдин бай Ягьуда айи.

Югьан 12:22

Филипди душну Андрейиз, хъа дурар кьюридра Исайихьна душну, Дугъаз мидкан ктибтуру.

Марк 3:18

Андрей, Филип, Варфоломей, Матта, Фома, Алфейин бай Якьуб, Фадей, Кананит кӀуру лакӀам хъайи Шимон,

Марк 3:16

Магьа Дугъу ктагъу йицӀикьюр: Симон (Дугъу мугъаз Петр кӀуру ччвур тувнийи),

Матта 10:2

Магьа йицӀикьюр ученикдин ччвурар: сарпир Петр кӀури шлу Симон ва дугъан чве Андрей, Зеведейин бай Якьубна дугъан чве Югьан,