Марк 1:14 - Гирами Китаб

¹⁴ Ягьʼя дустагъдиъ итбахъан, Ужувлан хабар рабгъури, Иса Галилей уьлкейиз гъягъюру.

Марк 1:14 Referans Kwoze

Матта 4:23

Исайи, вари Галилей уьлке вуйибси лицури, жугьдарин мистариъ аьгъювалар улупури, Аллагьдин Паччагьлугъдикан хабар туври, гьарсаб уьзрихьан халкь сагъ апӀури гъахьну.

Матта 4:12

Хъа Ягьʼя дустагъ дапӀнайиваликан гъеебхьиган, Иса Галилей уьлкейиз гъягъюру.

Эфес 2:17

Думу дуфну, учвуз, Аллагьдихьан ярхла айидариз, ва Дугъаз багахь хьайидариз мясляаьтнакан хабар дебккну.

Лука 8:1

Дидхъантина Иса, шагьрариъна гъулариъ, Аллагьдин Паччагьлугъдикан Ужувлан хабар рабгъури, Чан йицӀикьюр ученикарра хъади, лицури гъахьну.

Ляхнар 28:23

Дурари мидин гьякьнаан уч шлу йигъ тяйин апӀуру, ва гьадму йигъан Павел дергнайишваз хъанара артухъ жугьдар сатӀи шулу. Дугъура, гвачӀинтӀан хябяхъдиз Аллагьдин Паччагьлугъдикан ктитури ва шагьидвал апӀури, Мусайин къанундинна Пайгъамбрарин китабарин бинайиин алди Исайикан гъапидар вари гьякь вуйивал субут апӀуйи.

Матта 9:35

Иса, жугьдарин мистариъ аьгъювалар улупури, Аллагьдин Паччагьлугъдикан Ужувлан хабар рабгъури ва гьар жюрейин уьзрарна иццрушнар кайидар сагъ апӀури, шагьрарна гъулар вуйиси лицури гъахьну.

Ляхнар 20:25

Ва хъана аьгъязуз, узу ичв арайиъ Аьршарин Паччагьлугъдикан аьгъювалар улупури, сарун рякъидарчвуз.

Матта 14:2

Дугъу чан гъуллугъчйириз кӀуру: – Думу кас якьинди штуан апӀру Ягьʼя ву. Думу, гъачӀихъан, чӀиви духьна, гьаддиз дугъхьан гьацдар аьламатар улупузра шула.

Лука 3:20

Гьиродди чан чӀуру ляхнар, думу дустагъдиъ итбиинди, гужал гъапӀну.

Матта 11:2

Дустагъдиъ айи Ягьʼяйи, Месигь Исайин ляхнарикан гъеебхьган, чан ученикарикан кьюр дугъаз гьамци пуз гьау: «Гъюз ккайи Месигь Уву вуна, даршиш жарариз ккилигуча?»

Матта 4:17

Думу вахтналанмина Исайи, аьгъювалар улупури, гьамци кӀуз хъюгъру: «Ичв гунгьар гардандиъ дидисну, уьмур дигиш апӀинай, фицики Аллагьдин Паччагьлугъ багахь дубхьна».

Рим агьларихьна вуйи кагъаз 1:1

Иса Месигьдин лукӀ вуйи, Аллагьди вакил хьуз кадагънайи ва Чан пайгъамбрарилантина Гирами китабариъ Чав гаф тувнайиганси, Аллагьдин Ужувлан хабар гъабхуз дих дапӀнайи Павелихьан саламар.