Лука 9:5 - Гирами Китаб

⁵ Хъа эгер учву наанкӀа кьабул дарапӀиш, думу шагьриан удучӀвруган, ичв ликарик кайи бишируг гьадрарихьинди кадабхьай. Гъит му дурариз чпиин улубкьрубдин улихьмиди дебккрайи лишан ибшри».

Лука 9:5 Referans Kwoze

Ляхнар 18:6

Дурари, мидʼин рази даршули, дугъаз люкьнар апӀури гъахьну, хъа дугъу чан ликарик кайи бишируг гьадму адмийириина кутӀубччвну, гъапи: – Учву ичв уьмрин тахсиркрар хьидичва. Ичв кӀулʼина гъюрубдин узу жаваб тувидарза. Гьамус узу жугьуд дарударихьна гъягъюраза.

Ляхнар 13:51

Павелна Варнав, чпин ликарик кайи бишируг гьадму адмийириина кутӀубччвну, Иконияйиз гъягъюру.

Марк 6:11

Хъа учву фунуб йишваъ-вушра кьабул дарапӀиш ва учвухъ хъпебехъиш, душвʼан удучӀвну гъягърудари, ичв ликарик кайи бишируг кадабхьай. Гъит му дурариз чпиин улубкьрубдин улихьмиди дебккрайи лишан ибшри.

Лука 10:16

Учвухъ хъпехъурайир Узухъ хъпехъура, ва учвхьан маш гьадабгъурайири Узхьан маш гьадабгъура. Хъа Узхьан маш гьадабгъурайири Узу му дюнʼяйиз Гьаурихьан маш гьадабгъура.

Лука 9:48

ва ученикариз Дугъу гьамци кӀуру: – Шли му бицӀир Йиз ччвурнахъ кьабул гъапӀиш, гьадгъу Узу кьабул апӀура. Хъа шли Узу кьабул гъапӀиш, гьадгъу Узу Гьаур кьабул апӀура, фицики учвкан вартӀан цӀиб вуйир фуж вуш, гьадму зурба ву.

Марк 9:37

– Шли Узу бадали гьамцдар бицӀидарикан саркьан кьабул гъапӀиш, дугъу Узу кьабул апӀура. Хъа шли Узу кьабул гъапӀиш, неинки Узу кьабул апӀура, хъа гьацира – Узу Гьаурра.

Лука 5:14

Исайи дугъаз: мидкан саризра макӀан, хъа маллайихьна душну, жвув улуп, халкьдиз уву марцц хьпан шагьидвал вуди, Муса пайгъамбри дупнайиганси, гъурбан апӀуз ужуб гъайибх, кӀури, табшурмиш гъапӀу.

Матта 10:18

Ва, учву Йиз ученикар ву кӀури, гьякимдрарихьна ва паччгьарихьна гъахиди, дураринна аллагьсузарин улихь Узкан шагьидвал апӀбан бадали.

Лука 9:4

Фуну хулаъ учӀвишра, гьадушваъ дергай ва гьадлин рякъюъ учӀвай.