Лука 9:3 - Гирами Китаб

³ Исайи дурариз кӀуру: «Рякъюз фукӀа магъадабгъанай: я чамах, я тавра, я уьл, я пул, ва кьюб жар палатра хьади дарибшри.

Лука 9:3 Referans Kwoze

Лука 22:35

Исайи давам апӀуру: – Узу учву я пул, я тавра, я шаламар хьадарди гьаъруган, учвуз фукӀа гьудрубкӀуб гъабхьунчвуз? Дурари: «Ваъ» пну, жаваб тувру.

Тимофейиз-2 2:4

Гьич сар эскерра хулан ляхнарихъ шулдар – дугъан вазифа, чан аьхюри гъапиб апӀуб ву.

Лука 12:22

Чан ученикариз Исайи гъапи: – Гьаддиз учвуз кӀуразаки, ичв гъян бадали фу ипӀуруш ва ичв жан бадали фу алабхьуруш, гьаддин гъайгъушнаъ махьанай.

Лука 3:11

Ягьʼяйи кӀуру: – Кьюб гъат палат айири, сабнуб адруриз туври; шлиз ипӀруб-убхъруб аш, гьадгъура гьаци пай апӀри.

Лука 12:28

Эгер гъи чюлиъ ади, закур цӀигъ убгурайи укӀ Аллагьди гьаци уччвуди балгурайиган, Дугъу учвʼин дицитӀан уччвуди палат алабхьидаринхъа, цӀибтӀан хътругърудар!

Лука 5:29

Хъасин дугъу чан хулаъ Исайиз аьхю хялижвʼвал апӀуру. Душваъ аьхючӀвеъ налукар уч апӀрудар ва дурарихъди гутйириз гъюн йивну дахьнайи жара хяларра айи.

Марк 6:7

Исайи Чахьна йицӀикьюрид вакилариз дих дапӀну, дурариз чиркин рюгьяр утӀурккуз шлу гьюкум тувну, кью-кьюрди аьгъювалар улупуз гьаъру.

Лука 9:4

Фуну хулаъ учӀвишра, гьадушваъ дергай ва гьадлин рякъюъ учӀвай.