Лука 9:2 - Гирами Китаб

² Дугъу дурар Аллагьдин Паччагьлугъдикан хабар рабгъуз ва иццрудар сагъ апӀуз гьаъру.

Лука 9:2 Referans Kwoze

Лука 10:9

Душваъ айи аьзарлуйир сагъ апӀинай ва дурариз: «Учвухьна Аллагьдин Паччагьлугъ багахь дубхьна», йипай.

Матта 3:2

«Ичв гунгьар гардандиъ дидисну, уьмур дигиш апӀинай, – кӀуйи дугъу, – фицики Аллагьдин Паччагьлугъ багахь шула».

Лука 9:11

Амма мидкан хабар гъабхьи халкь Исайин кьяляхъ хъахъру. Дугъура, кьабул дапӀну, дурариз Аллагьдин Паччагьлугъдикан сюгьбат гъабхуру, хъа сагъ духьну ккунидар уьзрарихьан марцц апӀуру.

Марк 6:12

Дурар гъягъюру ва, адмийир чпин гунгьариин швумал хьпан бадали, дурариз аьгъювалар улупуру.

Матта 24:14

Гьарсаб миллетдиз ебхьруганси, Аьршарин Паччагьлугъдикан Ужувлан хабар вари дюнʼяйиъ рабгъиди, гьадмуган гъиямат йигъ улубкьиди.

Матта 13:19

Аьршарин Паччагьлугъдикан гаф гъеебхьиган, дидин гъаври даршулайи гьарсар касдихьна иблис гъюру ва дугъан кӀваъ дубзнайиб гьитӀибкӀуру: рякъʼина ахьу удрар магьа гьадму ву.

Лука 16:16

Ягьʼя гъяйизкьан къанун ва пайгъамбрар ади гъахьну. Хъа Ягьʼя гъафихъанмина Аллагьдин Паччагьлугъдикан Ужувлан хабар рабгъура ва гьарсар дидиъ гужниинди учӀвуз чалишмиш шула.

Лука 10:11

«Ичв шагьриъ учук кабсу биширугра ичв ликариина ктӀубччвурача, хъа аьгъю йибхьайки, учвухьна Аллагьдин Паччагьлугъ багахь дубхьна».

Марк 16:15

Дугъу дурариз кӀуру: – Вари дюнʼя вуйиси гъарахай ва Ужувлан хабар вари инсаниятдиз дебккай.

Лука 10:1

Мидхъан Исайи ургцӀурна кьюр жара ученикарра ктагъну ва кью-кьюрди, Чан улихьди, Учв гъягъюз ккайи гьарсаб шагьриз вая гъулаз гьаъру.

Матта 10:5

Гьаму йицӀикьюр кас Исайи, гьамциб насигьят тувну, гьаъру: – Жугьдар дарудар яшамиш шулайи йишвариз мягъянай ва Самарияйин саб шагьриъкьан муучӀванай;