Лука 8:3 - Гирами Китаб

³ Гьироддин мулкар идара апӀурайи Хуздин хпир Югьанна, Сусанна, гьацира чпиз айи-адрубдиинди Дугъан гъайгъу зигурайи жара дишагьлийирра хъади гъахьну.

Лука 8:3 Referans Kwoze

Тимофейиз-1 5:10

Думу дишагьлийин ужудар ляхнар аьгъю ишри: бицӀидар вердиш гъапӀу ва хялар кьабул гъапӀу, хъугъру гъардшарин ликар гъижикӀу, читинвал алабхъдариз кюмекнаъ ва гьарсаб ужудар ляхнариз бахш гъашир.

Филипп 4:22

Аллагьдин вари халкьди, иллагьки Римдин паччагьдин хулариъ гъуллугънаъ айидари, учвуз саламар хътаура.

Коринф-2 8:9

Ихь Агъа Иса Месигьдин ужʼвал аьгъячвуз. Думу, Учв девлетлу вуйи, хъа Чан касибвалиланзина учву девлетлу хьуз кӀури, касиб гъахьну.

Матта 26:11

Касибар гьарган учвухъди хьиди, хъа Узу учвухъди гьарган хьидарза.

Матта 25:40

Ва Паччагь вуйи Инсаниятдин Бали дурариз жаваб вуди пиди: – Дюзди кӀуразачвуз, учву гьаму Йиз бицӀи гъардшарикан саризкьан гьаци гъапӀнуш, гьадму учву Узуз гъапӀу мисал ву.

Матта 2:11

Ва хулаъ учӀвган, дурариз БицӀирна Дугъан дада Марʼям рякъюру ва жилʼина ис духьну, Дугъаз икрам апӀуру. Хъасин, чпин пешкешар адагъну, БицӀириз тувру: гъизил, ладан кӀуру ицци ниъ хъайи ягъ ва смирна кӀуру багьалу дармансиб шейъ.

Ляхнар 13:1

Антиохияйин хъугънайидаригъ гьамцдар пайгъамбрар ва мялимар гъяйи: Варнав, КӀаруч кӀуру Симеон, Киринеяйиан вуйи Луций, юкьур паччагьдикан сар Гьироддихъди сатӀиди тербияламиш гъапӀу Манаил ва Саул.

Матта 14:1

Гьадму вахтари Галилей уьлкейин гьякимдар Гьироддиз Исайикан хабар шулу.

Матта 14:3

Гьиродди гьаддиз гьамци фикир гъапӀнийи: улихьнаси дугъу чан чве Филипдин хпир Иродиадайин кӀуллан Ягьʼя дидисну, зунжрарихъди йитӀну, дустагъдиъ итнийи.

Матта 14:6

Гьирод бабкан гъаши йигъан Иродиадайин шуру шадлугъназ дуфнайидарин улихь ялхъван гъапӀнийи, ва Гьироддиз ялхъван кьабул гъабхьнийи.

Матта 20:8

Хябяхъ гъабшиган, эйсийи чан мяишатдин гъулугъчийиз кӀуру: – Нежбрариз дих дапӀну, аьхиримжи вуди лихуз хъюгъдарилан ккебгъну, сарпидариина гъяйизкьан, дурариз чпин ляхнин гьякъи тув.

Матта 27:55

Гьацира, Исайиз гъуллугъ апӀуз кӀури, Дугъахъди Галилейиан дуфнайи гизаф дишагьлийирра, ярхлаан лигури, дийигънайи.

Югьан 12:6

Дугъу мици, касибарин гъаннаъ ади ваъ, хъа учв тӀафал вуди хьпаз лигну гъапиб вуйи, гьаз гъапиш дугъахь уртахъ вуйи пулин мажник хьайи ва саспиган, чан тямягьяр гьуркӀуз, гьадму пуликан харж апӀуйи.