Лука 8:10 - Гирами Китаб

¹⁰ Дугъу гъапи: – Учвуз Аллагьдин Паччагьлугъдин сирар аьгъю хьуб тувначвуз, хъа имбудариз му тахалусариътӀан аьгъю хьуб тувнадар. Гьаци вуйиган, лигурашра, дурариз рябкъюрадар ва, ебхьурашра, дурари аннамиш апӀурадар.

Лука 8:10 Referans Kwoze

Марк 4:11

– Учвуз Аллагьдин Паччагьлугъдин сир аьгъю хьуб тувначвуз, – кӀуру дурариз Исайи, – хъа аьгъдрудариз тахалусариинди кӀура.

Матта 11:25

Хъасин Исайи гъапи: «Адаш, заваринна жиларин Агъа! Аьяндрарихьанна аькьюллударихьан гьитӀибкӀнайиб бицӀи касариз ачухъ апӀбаз Увуз чухсагъул!

Колосс 2:2

Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Рим агьларихьна вуйи кагъаз 16:25

Узу учвуз дебкку Ужувлан хабарнаъ ичв хъугъувал мюгькам апӀру Аллагьдин ад ибшри! Гизаф аьсрариъ дюбхнайи

Матта 16:17

Гьадмуган Исайи дугъаз жаваб вуди гъапи: – Уву бахтавар вува, Юнусдин бай Симон, гьаз гъапиш увуз му, инсанари ваъ, хъа Аьршарин Йиз Адашди ачмиш гъапӀунвуз.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Коринф-1 12:11

Мурар вари – гьадму сар Рюгьнан ляхнар ву. Гьаму багъишар Дугъу гьардиз Чаз ккуниси тувру.

Югьан 12:40

«Аллагьди дурарин улар кур гъапӀнийи, дурарин фикир хъунти гъапӀнийи, гьаци вуйиган, улар ади дярябкърудар ва фикирниинди гъавриъ адрахърудар. Гьаци ккундарш, Узухьинди илтӀикӀрийи, ва Узу дурар сагъ апӀидийза».

Марк 4:12

Фицики дурар лигури шулу, хъа рябкъюрдар, хъпехъури шулу, хъа гъавриъ ахъурдар. Жараси вуйиш, дурарихьан Аллагьдихьинди илтӀикӀуз шуйи ва дурарилан хил алдабгъидийи.