Лука 8:1 - Гирами Китаб

¹ Дидхъантина Иса, шагьрариъна гъулариъ, Аллагьдин Паччагьлугъдикан Ужувлан хабар рабгъури, Чан йицӀикьюр ученикарра хъади, лицури гъахьну.

Лука 8:1 Referans Kwoze

Матта 4:23

Исайи, вари Галилей уьлке вуйибси лицури, жугьдарин мистариъ аьгъювалар улупури, Аллагьдин Паччагьлугъдикан хабар туври, гьарсаб уьзрихьан халкь сагъ апӀури гъахьну.

Рим агьларихьна вуйи кагъаз 10:15

Хъа фици Дугъкан ктибтиди, ктибтрур гьадраиш? Гирами китабариъ дибикӀнайиси: «Фукьан гюрчег дарин Ужувлан хабар рабгърударин ликар!»

Ляхнар 13:32

Аллагьди ихь абйириз тувнайи гаф ухьуз, дурарин баяриз, Иса чӀиви апӀбиинди тамам апӀбакан Ужувлан хабар учвуз деебтурача.

Ляхнар 10:38

Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну.

Лука 4:18

– Агъайин Рюгь Узʼин ал. Узуз Аллагьди касибариз Ужувлан хабар рабгъуз гьюкум тувнайиз ва Узу йисирариз азадвал хьади, курариз акв хьади ва гьацира зулум-зиллетнакк ккайидар азад апӀуз ва

Марк 1:39

Гьамци Думу вари Галилей вуйибси, мистариъ аьгъювалар улупури ва жинар утӀурккури, лицуру.

Матта 13:19

Аьршарин Паччагьлугъдикан гаф гъеебхьиган, дидин гъаври даршулайи гьарсар касдихьна иблис гъюру ва дугъан кӀваъ дубзнайиб гьитӀибкӀуру: рякъʼина ахьу удрар магьа гьадму ву.

Матта 11:1

Чан йицӀикьюр ученикдиз табшуругъар тувну ккудукӀиган, Иса, дилин удучӀвну, Галилей уьлкейин шагьрариз аьгъювалар улупуз гъягъюру.

Матта 9:35

Иса, жугьдарин мистариъ аьгъювалар улупури, Аллагьдин Паччагьлугъдикан Ужувлан хабар рабгъури ва гьар жюрейин уьзрарна иццрушнар кайидар сагъ апӀури, шагьрарна гъулар вуйиси лицури гъахьну.

Лука 1:80

БицӀи Ягьʼя, аьхю шули, рюгьниинди мюгькам хьуз хъюгъру. Думу, Израилин халкьдиз гъуллугъ апӀуз гъяйизкьан, ичӀи чюллериъ яшамиш шулу.

Лука 9:6

Аллагьдин Паччагьлугъдикан Ужувлан хабар рабгъури ва аьзарлуйир сагъ апӀури, дурар гъулариъ лицуз рякъюъ учӀву.

Лука 20:1

Гьадму сад йигъан, Исайи Аллагьдин хулан гьяятдиъ Ужувлан хабарнакан аьгъювалар улупурайи вахтна, агъсакъларра хъади Дугъахьна жугьдарин аьхюну маллйирна аьлимар дуфну,