Лука 7:6 - Гирами Китаб

⁶ Иса дурарихъди гъягъюру. Думу юзбашийин хуларихьна хъуркьради, юзбашийи Исайихьна гьамци пуз чан дустар гьаъру: – Инжиг махьан, Агъа, гьаз гъапиш Уву йиз хулаъ учӀвбаз узу лайикь дарза.

Лука 7:6 Referans Kwoze

Якьубдин 4:6

Хъа Дугъу ухьуз мутӀан артухъ ужʼвал улупну. Магьа гьаддиз, Гирами бикӀбариъ дупна: «Аллагь фурсачйириз къаршуди удучӀвуру, хъа кьисматниин рази вуйидар ккун апӀуру».

Марк 5:24

Иса дугъахъди гъягъюру. Дугъахъди гизаф халкьра гъябгъюрайи ва юкьуб тереф Думу кьялаъ тӀаънайи.

Лука 8:49

Исайи гьамци кӀури имиди, жугьдарин мистан аьхюрин хулʼан дуфну, сар касди дугъаз кӀуру: – Яв риш гъакӀну, сарун Мялим инжик мапӀан.

Якьубдин 4:10

Агъайин улихь учву исди дисай, ва Дугъу учву за апӀиди.

Ляхнар 10:38

Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну.

Лука 5:8

Му гъябкъиган, Петр кӀуру лакӀам хъайи Симонди, Исайин кьамкьариина ис духьну: «Я Агъа! Узхьан гьудучӀв, гьаз гъапиш узу гунагькар вуза», гъапи.

Матта 20:28

Гьаци Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва гизафдарин гунгьарилан хил алдабгъуз кӀури Чан уьмур тувбан бадали Дуфнайир ву.

Матта 3:11

Учву гунгьарихьан марцц хьпан лишан вуди, узу учву анжагъ штуан апӀураза, амма йиз кьяляхъди Гъюрайир узутӀанна Кьудратлур ву, узу Дугъан шаламар гъахузкьан лайикь дарза. Дугъу учву Гирами Рюгьнахьдина цӀихьди цӀийи алаидичву.

Насигьятар 29:23

Заанди улупрур апӀиди асккан, хъа фурс ктрури гъазанмиш апӀиди ад.

Лука 7:4

Дурари, Исайихьна дуфну, Дугъкан ижмиди миннат апӀуру: – Му юзбаши Уву кюмек апӀбаз лайикьлу кас ву,

Эвел 32:10

Узу, Яв лукӀ, Уву узуз улупури гъахьи вафалувализна мердвализ лайикьур дарза. Узу Иордан нирин тинди хилиъ саб маргъ адитӀан гъушур дайза, хъа гьамус узуз мал-мутмуйин кьюб бина азуз.

Лука 7:5

фицики думу кас ич халкь гизаф ккунир ву ва дугъу учуз ккарагру хал тикмиш гъапӀну.

Лука 7:7

Гьаддиз узу Увухьна гъюзкьан жвув лайикьлур вуди гьисаб гъапӀундарза. Анжагъ Уву саб гаф йип, ва йиз гъуллугъчи сагъ хьиди.