Лука 7:2 - Гирами Китаб

² Римдин юзбашийин чаз ккуни сар гъуллугъчи кетӀерццну йикӀру гьялнаъ ади шулу.

Лука 7:2 Referans Kwoze

Эвел 24:27

хъа кӀуру: – Йиз агъайиз рягьимлувал ва вафалувал улупу, йиз агъа Ибрагьимдин Заанур вуйи РАББИЙИЗ шюкюр ибшри! РАББИЙИ узу диш дапӀну йиз агъайин багахьлуйирин хулаз гъахунзу.

Колосс 3:22

ЛукӀар, ичв жилин агъйирихъ варибдиъ, кьюб маш гъяйидарси имбударин улхьан ваъ, хъа марцци кӀваан ва Агъайин улихь гучӀ кайивалиан хъпехъури апӀинай.

Лука 23:47

Гьаму гъябкъю эскрарин юзбашийи, Аллагьдин ад за дапӀну, гъапи: – Дугъриданна, гьаму Кас марццир вуйиштӀан!

Лука 8:42

гьаз гъапиш дугъахъ йикӀру гьялнаъ айи йицӀикьюд йисаъкьан айи риш хъайи. Иса дина гъягъру вахтна халкь, Дугълан илтӀишну, кьяляхъди гъюри гъахьну.

Матта 27:54

Исайин гъаравлиъ айи юзбашийина дугъахъди хъайи эскрари, жилар тӀурччвувал ва мушвʼин гъаши жара гьядисйир гъяркъиган, бегьем гучӀ кабхъну, гъапи: – Му дугъриданра Аллагьдин Бай вуйиштӀан.

Насигьятар 29:21

Эгер лукӀ, бицӀидихъанмина интӀи гъапӀиш – ужувлиинди думу ккудубкӀидар.

Эвел 35:8

Ребекайиз мухрилан никк туври гъахьи дишагьли Дебера магьа гъачӀи. Думу Бет-Элин багахь хьайи мяхъюн гьарикк ккиву ва думу мяхъюн гьариз Аллон-Бахут («ишлин мяхъв») кӀуру ччвур туву.

Ляхнар 27:43

Хъа юзбашийи, Павелин уьмур уьбхбан бадали, дурариз ихтияр тувундар. Дугъу сирнав апӀуз шлудариз, сифте гимийиан гьюлиъ урсну, гъирагъдихъна ктучӀвуз буйругъ тувру.

Ляхнар 27:3

Хъайигъан учу Сайдайиъ гимийиан эдеъча, ва Юлийи, Павелиз чан дустарихьна гъягъюз ихтияр тувну, ужуб ляхин гъапӀну. Дустарра дугъан гъайгъушнаъ шулу.

Ляхнар 27:1

Учу гимийиъди Италияйиз сирнав апӀбанди гъашиган, Павелна сакьюдар жара дидиснайидар Римдин паччагьдин кьушмариан вуйи Юлий кӀуру юзбашийихьна тувнийи.

Ляхнар 23:17

Гьадмуган Павели, юзбашйирикан сариз, чахьна дих дапӀну, кӀуру: – Гьаму живан кьушмарин аьхюрихьна гъайих, мугъаз аьхюрикна кӀуру саб хабар аьгъя.

Ляхнар 22:26

Му гафар гъеерхьиган, юзбашийи, кьушмарин аьхюрихьна душну, кӀуру: «Уву гьапӀрава? Му кас Римдин ватандаш ву!»

Ляхнар 10:7

Малайик гьудучӀвиган, Корнилийи чан кьюр гъаравшиз ва Аллагьдин рякъюъ айи сар эскриз дих апӀуру

Ляхнар 10:1

Къайсарияйиъ Корнилий кӀуру сар кас яшамиш шули гъахьну. Думу Италияйин кьушмарин юзбаши вуйи.

Лука 7:1

Чахъ хъебехънайидариз пуз ккайи гафар ккудукӀиган, Иса Кафернагьумдиъ учӀвру.

Лука 7:3

Исайикан хабар дубхьну, юзбашийи, чан гъуллугъчи сагъ апӀбан бадали, Думу хъади гъюз жугьдарин агъсакълар гьаъру.