Лука 7:12 - Гирами Китаб

¹² Хъа Иса шагьрин урнарихьна багахь гъашиган, сар ачӀни хпирин айина-адру бай дукӀну, дугъан майит накьваригъна гъабхуз адабгъури шулу, ва майтихъ хайлин халкьра хъайи.

Лука 7:12 Referans Kwoze

Лука 8:42

гьаз гъапиш дугъахъ йикӀру гьялнаъ айи йицӀикьюд йисаъкьан айи риш хъайи. Иса дина гъягъру вахтна халкь, Дугълан илтӀишну, кьяляхъди гъюри гъахьну.

Якьубдин 1:27

Аллагьдизна Аьршарин Адашдиз ккуни чиркин дару марцци дугъривал – касибвалиъ айи ачӀни хпаризна йитимариз кюмек апӀувал ва жвув гьаму дюнʼяйин чиркинвалариккан уьрхювал ву.

Ляхнар 9:41

Хил гьачӀабккну, Петр дугъаз гъудужвуз кюмек апӀуру. Хъасин вари хъугънайидариз ва ачӀни хпариз дих дапӀну, дурариз чӀиви духьнайир улупуру.

Ляхнар 9:39

Петр, гьязур духьну, дурарихъди гъюру. Петр гъафиган, думу зиин хулазди гъахуру ва ачӀни хпар ишури дугъан гъаншариз гъюру. Дурари чпиз Тавифайи гъидирху ккурттар улупуру.

Югьан 11:19

ва дина гьадрарихъди Марфайихьнана Марʼямдихьна чвуччвун дердер зигуз гизаф жугьдар дуфнайи.

Лука 8:52

Вари гъачӀи шурахъ ишури ва ишлар апӀури айи. Хъа Исайи дурариз гъапи: – Мишанай, думу дукӀнадар, хъа даахна.

Паччагьлугъар-4 4:20

Гъаравашди бай хилариина за гъапӀнийи ва дадайихьна гъурхнийи. БицӀир дадайин кьамкьариин лисузкьан деънийи, хъасин кечмиш гъахьнийи.

Паччагьлугъар-4 4:16

– Гъюру йисан гьаму вахтна, – гъапнийи Элиш пайгъамбри, – уву хилариин яв бай дисидива. – Ваъ, йиз агъа, – жаваб тувнийи дугъу, – яв гъараваш дишагьлийиз кучӀлар мапӀан, Заанурин инсан!

Паччагьлугъар-3 17:23

Илʼяс пайгъамбри бай хилариина гъадагънийи ва чан хулʼан исизди асккан хулаз гъурхнийи. Дугъу думу балин дадайихьна тувнийи ва гъапнийи: – Лиг, яв бай чӀивиди ими!

Паччагьлугъар-3 17:18

Думуган дишагьлийи Илʼяс пайгъамбриз гъапнийи: – Узкан фу ккундувуз, Заанурин инсан? Узуз йиз гунагь кӀваин апӀуз ва йиз бай йикӀуз гъафунва?

Паччагьлугъар-3 17:12

Дишагьлийи жаваб тувнийи: – РАББИЙИИНДИ, яв Заануриинди, ху апӀурза, узуз уьл адарзуз, табтихъ саб карк хю хъмийиз ва чӀакьаъ сацӀиб ччим имийиз. Магьа, сакьюб гакӀул хьади душну, гьадму хюйкан узуз ва йиз бализ ипӀруб гьязур апӀидиза. Гьадму ипӀидича ва хъасин гашʼан кечмиш хьидича.

Паччагьлугъар-3 17:9

– Гьамус Сидондин багахь хьайи Сарепта шагьриз гъарах ва душваъ яшамиш йихь. Увуз ипӀруб тувуз сар ачӀни дишагьлийиз амур гъапӀунза.

Паччагьлугъар-2 14:7

Ва магьа яв гъаравашдиз къаршуди вари тухум удубчӀвна; дурари кӀура: «Чан чвуччвуз гъивур учухьна ча, учу думу чав йивну гъакӀи чан чвуччвун уьмрихъанди аьжалихьна тувдича, гьятта гьаци учу айи-адру сар ирсчира тӀанкь апӀурушра». Дурари узуз гъубзнайи аьхиримжи цӀюмгъял ктӀубшвиди ва йиз жилириз жилиин я ччвур, я ирсчи гъитидар.

Эвел 22:12

– Дугъʼин хил мииливан, – кӀуру малайикди, – Исакьдиз фукӀара мапӀан! Гьамус Узуз аьгъязуз увуз Заанурихьан гучӀруб: уву Узуз, яв хъайина-хъадру сар бай тувуз гьяйиф гъапӀундарва!

Эвел 22:2

Заанури гьамци кӀуру: – Яв хъайина-хътру, Узу увуз гаф тувну гъахьи, яв ккуни вуйи сар бай Исакь хъади Мориа жилиина гъарах. Душваъ Узу увуз улупру дагъдиин думу, дубккну ургру гъурбан вуди, цӀигъ ург.

Лука 7:11

Дидхъантина Иса Наин кӀуру шагьриз гъушу. Дугъахъди Чан ученикар ва аьхючӀвеъ халкьра гъягъюри гъахьну.

Лука 7:13

Агъайиз, балин дада гъяркъиган, язухъ шулу ва дугъаз, мишан, кӀуру.