Лука 5:2 - Гирами Китаб

² Дугъаз гьюлʼин кьюб лютке рякъюру. Дурариан эдеу балугъчйири чулар марцц апӀурайи.

Лука 5:2 Referans Kwoze

Марк 1:19

СацӀиб тина гъушган, Дугъаз Зеведейин бай Якьубна дугъан чве Югьан рякъюру. Дурари люткейиъ чулар рас апӀурайи.

Матта 4:21

Гьадлин тинаси гъушган, Исайиз хъанара жара кьюр чве рякъюру: Зеведейин бай Якьубна дугъан чве Югьан. Дурари чпин адаш Зеведейихъди люткейиъ чулар рас апӀурайи. Исайи дураризра дих гъапӀу

Матта 4:18

Иса Галилей гьюлхъантина гъягъюрайиган, Дугъаз чвйир вуйи кьюр кас гъяркънийи: Петри лакӀам хъайи Симон ва дугъан чве Андрей. Дурар балугъчйир вуйи, ва думу вахтна дурари гьюликк чул ккипрайи.

Марк 1:16

Иса Галилей гьюлхъантина гъягъюрайиган, Дугъаз гьюликк чулар ккирчрайи Симон ва дугъан чве Андрей рякъюру. Дурар балугъчйир вуйи.

Лука 5:1

Сабан, Аллагьдин гаф ебхьбан бадали, халкь Исайилан илтӀишуру, хъа Думу Учв Геннисарет гьюлихъ дийигъну айиган,

Лука 5:3

Люткйирикан Симондинубдиъ учӀвну, Исайи дугъхьан лютке гъирагъдихъан цӀиб тинаси хъапӀуб ккун гъапӀну ва гьадлин, деъну, аьгъювалар улупуз хъюгъру.

Югьан 1:40

Ягьʼяйин гафарихъ хъебехъну Исайихъди гъушу кьюрикан сариз Андрей кӀуйи, думу, чаз Петр кӀури шлу Симондин чве вуйи.