Лука 4:6 - Гирами Китаб

⁶ ва кӀуру: – Вари гьаму паччагьлугъар ва дурарин гьяйбат Увуз тувдиза, фицики дурар йиз ихтиярназ тувна ва узхьан дурар узуз ккунириз тувуз шулзухьан.

Лука 4:6 Referans Kwoze

Эфес 2:2

ва, гьаму дюнʼяйиъ фици апӀури гъахьнуш, учвура Аллагьдиз къаршуди удучӀвнайидариъ айи рюгьнан гьавайиъ айи чӀуру кьувватарин аьхюрин хиликкди гьаци апӀуйчва.

Югьан 14:30

Сарун Узхьан учвухъди артухъ гафар апӀуз хьибдарзухьан: сарун му дюнʼяйин гьякимдар багахь духьна. Йиз зиин дугъаз гьюкум адар.

Югьан 12:31

Му дюнʼяйин суд апӀру вахт, магьа, хъубкьнура ву. Гьамус му дюнʼяйин гьякимдар (иблис) тина утӀуккну хьиди!

Югьандин-1 5:19

Гьеле вари дюнʼя иблисдин гьюкмикк ккашра, ухьу Аллагьдиндар вуйиб аьгъяхьуз.

Ачмиш 13:7

Дидиз Аллагьдин гирами халкьдихъдира дяви гъабхуз ва гъалиб хьуз ихтияр тувнайи. Дидиз гьацира гьарсаб тухмин, халкьдин, чӀалнан ва миллетдин зиин гьюкум тувнайи.

Ачмиш 13:2

Узуз гъябкъю вягьши гьяйванат леопарддиз ухшар вуйи, хъа ушв – асландинсиб. Аждагьайи дидиз чан кьувват, тахт ва зурба гьюкум тувнийи.

Ачмиш 12:9

Хъасин зурба аждагьа, дегь заманайин битӀ, иблис вая Сатана, вари дюнʼя улдубгуз гъибтрайиб, завариан жилиина ипнийи. Дидихъди чан малайикарра идирчнийи.

Петрин-1 1:24

Гьаддиз Гирами китабариъ дупна: «Инсаният укӀси ву, дурарин усппагьивал – хутӀлин кюкюси. УкӀ ебццуру – кюкюра алдабхьуру.

Коринф-2 11:14

Му аьламат вуйин хъа? Иблисра учв аквнан малайикси улупури гъабхьну!

Югьан 8:44

Ичв адаш иблис ву, ва учву ичв адашдин интӀи тӀулар тамам апӀуз шад вучва. Хъа думу гьарган адмийир пуч апӀрур ву, ва дугъаз гьякьвал душман ву, гьаз гъапиш дугъаъ гьякьвал адар. Дугъу кучӀал апӀурайиган, кучӀал дугъан багъри чӀал ву, гьаз гъапиш думу кучӀлях ву ва кучӀларин адаш ву.

Эстер 5:11

Аманди дурариз чаз айи девлетнакан, адлуваликан, гизаф баяр айиваликан ва паччагьди чав жара гьякимартӀан зади дисурайиваликан фурслуди ктибтуз хъюгъю.

Лука 4:7

Эгер Уву узуз икрам гъапӀиш, гьадрар вари Явдар хьиди.