Лука 3:11 - Гирами Китаб

¹¹ Ягьʼяйи кӀуру: – Кьюб гъат палат айири, сабнуб адруриз туври; шлиз ипӀруб-убхъруб аш, гьадгъура гьаци пай апӀри.

Лука 3:11 Referans Kwoze

Югьандин-1 3:17

Эгер шли, девлет ади, хъа чан гъардаш аьжузди яшамиш шулайиб рябкъюри, кюмек апӀдарш, дицириъ Аллагьдин масанвал фици шул?

Тимофейиз-1 6:18

Дурарикан ужувлар апӀуб ккун апӀин, гъит гъяни ляхнарихьди девлетлу ишри. Кьискьисар даришри ва иштагьниинди имбудариз чпин девлетнакан капӀри.

Лука 18:22

Гьаму деебхьну, Исайи дугъаз гъапи: – Сабсан увуз гьубкӀрадар: увуз айи-адру девлет масу тувну, касибариз пай апӀин, гьадмуган аьршариъ увуз девлет хьибдивуз. Хъасин Узухъди гъач.

Югьандин-1 4:20

«Узуз Аллагь ккундузуз» кӀуруриз чан гъардаш даккунди вуш, думу кучӀлях ву, гьаз гъапиш, улариз рякъюрайи чан гъардаш даккнирихьан, улариз дярякърайи Аллагь ккун апӀуз даршул!

Якьубдин 1:27

Аллагьдизна Аьршарин Адашдиз ккуни чиркин дару марцци дугъривал – касибвалиъ айи ачӀни хпаризна йитимариз кюмек апӀувал ва жвув гьаму дюнʼяйин чиркинвалариккан уьрхювал ву.

Лука 11:41

Ужуб гьадму вуки, учвуз айибдикан садакьа тувай, гьадмуган ичв вари ляхнар марццидар хьиди.

Матта 25:40

Ва Паччагь вуйи Инсаниятдин Бали дурариз жаваб вуди пиди: – Дюзди кӀуразачвуз, учву гьаму Йиз бицӀи гъардшарикан саризкьан гьаци гъапӀнуш, гьадму учву Узуз гъапӀу мисал ву.

Даниял 4:27

– Зурба Вавилон, паччагьдин шагьур, магьа, – гъапи паччагьди, – йиз адлувализ ва гьюрматназ йиз кьувватниинди ва йиз кьудратниинди узу дивуб!

Жугьдариз 6:10

Аллагь дюз дарур хьуб гьич мумкин дар. Дугъаз я учву апӀурайи жафйир, я Чан гирами халкьдин гъуллугънаъ хьубʼинди улупу ва улупурайи Чахьна вуйи ичв ккунивал кӀваълан гьархидар.

Ляхнар 10:31

ва дугъу узуз гьамци гъапну: «Корнилий, яв ккарагувал аьршариз деебхьна ва уву касибариз туву садакьйир Аллагьди кӀваин дюрхна.

Ляхнар 10:4

Дугъу, гучӀра дубхьну, малайикдихьинди дилигну: «Фу кӀурава, Агъа?» – пну, гьерхру. Малайикди дугъаз жаваб тувру: – Яв ккарагбар ва яв садакьйир Аллагьди кӀваин гъюрхну.

Ляхнар 10:2

Думу, чан вари хизанси, Аллагьдихьан гучӀури шлур ва Аллагьдиз вафалу жви вуйи. Дугъу жумартвалиинди касибариз садакьа тувуйи ва гьаммишан Аллагьдиз ккарагуйи.

Югьан 13:29

Хъа Ягьудайихь чпин уртахъ пул хьайиган, дурарикан сякьюдари: Исайи дугъаз: «ухьуз машквраз фукӀа гъадабгъ» вая «касибариз фукӀа тув», кӀурайиси фикир апӀуру.

Лука 19:8

Заккайи Агъайиз кӀуруки: – Агъа! Йиз девлетнан гьацӀ узу касибариз тувдиза ва, эгер узу шлихьан артухъ гъадабгънуш, юкьуб ражари артухъ тувдиза.

Эфес 4:28

Шли гьитӀибкӀуйиш, сарун мигьитӀибкӀан, жвуван хилари гъазанмиш апӀин ва адрудариз капӀ.

Тимофейиз-1 6:17

Гьаму дюнʼяйиин девлетлу вуйидариз йип: фурсар дарапӀри ва чпин девлетарихъ йирфар хътричри – думу мюгькам вуйиб дар. Уьмрикан кьукь ктабгъури яшамиш хьуз вари лазим вуйиб артухъра кади тувру Аллагьдихъ йирфар хъирчиш, хъа ужу ву.

Якьубдин 2:14

Йиз гъардшар, фу тӀяаьм ахъа, эгер шли, хъугъраза, кӀураш, хъа ужувлан ляхнар апӀдарш? Мициб хъугъували думу уьрхидар, гьаци дарин?