Лука 3:1 - Гирами Китаб

¹ Тиберий кӀуру Римдин паччагьди паччагьвал апӀури йицӀихьудпи йис вуйиган, Ягьудия уьлкейиъ Понтий Пилатди аьхювал апӀурайи девриъ, Гьирод – Галилей уьлкейин, дугъан чве Филип – Итурей уьлкейинна Трагьонит юрднан, хъа Лисаний – Абилей уьлкейин гьюкумдрар вуйиган,

Лука 3:1 Referans Kwoze

Лука 2:1

Думу йигъари Август кӀуру Римдин паччагьдин чан вари ругариин али агьалйир гьисаб апӀуз амур удубчӀвуру.

Матта 27:2

Дугъан хилар-ликар йитӀуз гъитну, Думу духну, Римди Ягьудияйиъ гьюкумдар вуди дерккнайи Понтий Пилатдин хилиз тувру.

Ляхнар 26:30

Гьадмуган паччагь, гьякимдар Фест, Вереника ва дурарихъди деънайидар вари гъудужвуру.

Ляхнар 24:27

Кьюд йис улдучӀвхъан, Феликсдин йишвʼин Порций Фест дерккнийи. Жугьдар рази ктаури, Феликсди Павел дустагъдиъ итнийи.

Ляхнар 23:26

– Яв аьхювал гьякимдар Феликс! Узу, Клавдий Лисийи, увуз саламар хътаураза.

Ляхнар 4:27

Фицики дугъриданра мурар вари, Гьиродна Понтий Пилат Израил халкьдихъди ва жара миллетарихъди гьаму шагьриъ Уву Месигьди ктагъу Яв Гирами Гъаравашдиз къаршу вуди уч гъахьну.

Лука 23:24

Пилатди гьадрари кӀуруси апӀуз гьял апӀуру:

Лука 9:7

Исайи апӀурайи гьаму вари ляхнарикан гьякимдар Гьироддиз ебхьуру. Думу мюгьтал шули гъахьну, гьаз гъапиш садари му гъачӀихъан чӀиви гъаши Ягьʼя ву кӀури,

Лука 3:19

Хъа Ягьʼяйи гьякимдар Гьироддик, чан чвуччвун хпир Иродиада чаз дитбаз ва жара пис ляхнар апӀбаз лигну, тахсир кипган,

Марк 6:17

Гьиродди чав буйругъ тувну, Ягьʼя дидисну, чан чве Филипдин хпир Иродиадайин кӀуллан дустагъдиъ итру. Хъасин Гьиродди Иродиада чаз шивди дитнийи.

Матта 14:3

Гьиродди гьаддиз гьамци фикир гъапӀнийи: улихьнаси дугъу чан чве Филипдин хпир Иродиадайин кӀуллан Ягьʼя дидисну, зунжрарихъди йитӀну, дустагъдиъ итнийи.

Матта 14:1

Гьадму вахтари Галилей уьлкейин гьякимдар Гьироддиз Исайикан хабар шулу.

Эвел 49:10

Ягьудайихь гьарган паччагьвалин маргъ хьибди. Гьарган дугъан насларихь хьибди думу чумакъ, дидин Эйси гъяйизкьан – вари халкьар Чаз мютӀюгъ шлур.

Матта 14:6

Гьирод бабкан гъаши йигъан Иродиадайин шуру шадлугъназ дуфнайидарин улихь ялхъван гъапӀнийи, ва Гьироддиз ялхъван кьабул гъабхьнийи.

Матта 22:17

Гьаци вуйиган, учуз йип: Римдин паччагьдиз учу налук тувуз хай шулин, даш шулдарин?

Марк 6:21

Ужуб дюшюш ккабхъру: Гьироддин бабкан гъахи йигъ улубкьну ва гьаддиз гюре гешт хъапӀуз ханар-беглар, юзбашйир ва Галилей уьлкейин аьхюдар уч апӀуру.

Лука 13:31

Думу йигъан фарисйирикан бязидари, дуфну, Исайиз гъапи: – УдучӀвну, гьамлин гъарах, дарш Гьироддиз Уву йикӀуз ккунди а.